09 April 2007

tag


زهقوا قوى منى أسامة (كلام لوجيك ) و شادى و تعتعة أزهرى
من إنى أكتب فى المنطقة السودا أو المواضيع الخنقة زى ما بيقولوا و فى نفس الوقت بعتلى كبير المتشردين تاج جديد قلت أعتبره البوست المنتظر
الأول أحب أقول ل كبير المتشردين
ميرسى على التاج مع إنى بكره الفكرة قووووى
المهم
السؤال الأول:
كنت طالب شاطر في المدرسة؟
آه كنت شاطرة فى المدرسة الحمدلله و دايماً كنت من الناس ال
leader
فى المدرسة و كنت باخد جوايز فى مسابقات الرسم و أحياناً على نتايج الإمتحانات بس معظم الجوايز كانوا على الرسم و كان عمرى ما ببقى موجودة فى الفصل دايماً يا فى المرسم يا مشتركة فى مسابقة عزف و أحياناً أنا و أصحابى نروح المكتبة و كنت لما بعوز أزوغ كنت أبعت لمدرسين الرسم و أقولهم إبعتوا طلعونى من الفصل و قولوا إنكوا عايزنى

السؤال الثاني ايه اكتر مادة حبيتها واكتر مادة كرهتها في مرحلة المدرسة ومرحلة الجامعة؟
أيام المدرسة أكتر مادة حبيتها كانت الرياضة
كنت بموت فيها و بفهمها بسهوووولة قوى و أكتر مادة كرهتها العربى و الفيزياء
أما أيام الجامعة ف أنا بمووووت فى مواد الرسم عموماً و شاطرة فيهم و كمان الخرسانة برضه تعتبر مادة رسم و أكتر مادة كرهتها ال
Material & Soil

السؤال التالت كنت عايز تطلع ايه وانت صغير؟
طول عمرى كنت ها أموت و أدخل هندسة و كنت مستقرة جداً على الرغبة ديه بس ندمت ندم عمرى على الإختيار ده و بتمنى لو يرجع بىّ الزمن عشان أدخل فنون تطبيقية أو جميلة عشان هى ديه ميولى الحقيقية أى حاجة ليها علاقة بال
Art

8 comments:

SomeOne said...

ناس ما تجيش غير بالعين الحمرا

-:p

مشكلة الكلية و الهواية دي مشكلة ناس كتير قوي

انا حتى الان نفسي اسيب كلية الصيدلة دي

بس لا عارف اسيبها ولا عارف اسيب الهواية

وفاشل في الاتنين

اشطة قوي

شكلنا حنقضيها تجات

انا البوست الجاي عندي تاج
واللي فات تاج

التاج ده بيحل لزمة والله

ومهواش تدبيسة ولا حاجة

سلاماتي و احتراماتي

yara said...

براحة علىّ يا شادى أحسن بخاف

إنت إيه هوايتك؟
و عندك حق التاج بيحا أزمة بس أنا بكره الفكرة قووووووووووووى

كلام لوجيك said...

لا للخنقة ونعم للموضوعات الخفيفة والخالية من الكوليسترول

والله يا يارا انا نفسى زهقت من نفسى
وكرهت افضل ملتزم بالجانب السلبى والمزعج فى الحياة
وكأن حياتنا ماهى الا سواد يتخلله بعض البياض

المهم

اول مرة اكتشف انك فنانة وعندك هواية الرسم .. بصراحة حاجه كوول وهواية مفيدة جدا وياريت تنميها وماتتخليش عنها ، لإنها هتكون متنفسك الوحيد

ربنا يوفقك فى دراستك وحياتك
دمتى بألف خير

yara said...

الحقيقة يا اسامة إن حياتنا كلها إسود و أحياناً لا يتخللها حتى النقط البيضاء بس نعمل إيه لازم نلتزم ب الإيجابية و إلا تحولنا إلى كائنات فاقدة المعنى و عايشة و السلام

14:35

SomeOne said...

ده سؤال ايه هوايتك دا سؤال قديم بقى

يرجع اصوله للبوست ده

عموما

انا هويتي زي ما قلتلك

وكمان انا بشتغل بيها جنب الدراسة

وزي ما قلتلك الموضع كبير

بس انا السنة دي قررت اسيب الشغل واركز في المذاكرة خلينا نتخرج بقى

:))
احسن ناس قد عيالنا اتخرجو
وناس في بكالريوس

-:P

micheal said...

يارا
بجد حاولي تنميه هوايتك القديمه..متخليش ظروف الهندسه و بلاويها تحرمك من الحاجه اللي بتحبيها و مين عارف بعد التخرج ممكن بكون الوضع ايه
هو أنتي خلاص فاضلك سنه؟
علي العموم ربنا معاكي و بالتوفيق باذن الله
تحياتي لكي

yara said...

أنا خلاص يا مايكل ده آخر تيرم لىّ إنشاءالله بس إدعيلى إنت يعدى على خير
و أكيد

إنى ها أركز إنى أعمل الحاجة اللى بحبها

Unknown said...


thx

شركه تنظيف