08 June 2007

حسني مبارك .. اهداء الى شعب مصر

ياشعبي حبيبي ياروحي يابيبي
ياحاطك في جيبي يابن الحلال
ياشعبي ياشاطر ياجابر خواطر
ياساكن مقابر وصابر وعال
ياواكل سمومك يابايع هدومك
ياحامل همومك وشايل جبال
ياشعبي اللي نايم وسارح وهايم
وفي الفقر عايم وحاله ده حال
احبك محشش مفرفش مطنش
ودايخ مدروخ واخر انسطال
احبك مكبر دماغك مخدر
ممشي امورك كده باتكال
واحب اللي ينصب واحب اللي يكدب
واحب اللي ينهب ويسرق تلال
واحب اللي شايف وعارف وخايف
وبالع لسانه وكاتم ماقال
واحب اللي قافل عيونه المغفل
واحب البهايم واحب البغال
واحب اللي راضي واحب اللي فاضي
واحب اللي عايز يربي العيال
واحب اللي يائس واحب اللي بائس
واحب اللي محبط وشايف محال
واحبك تسافر وتبعد تهاجر
وتبعت فلوسك دولار او ريال
واحبك تطبل تهلل تهبل
عشان مطش كوره وفيلم ومقال
واحبك تأيد تعضض تمجد
توافق تنافق وتلحس نعال
تحضر نشادر تجمع كوادر
تلمع تقمع تظبط مجال
لكن لو تفكر تخطط تقرر
تشغلي مخك وتفتح جدال
وتبدأ تشاكل وتعمل مشاكل
وتنكش مسائل وتسأل سؤال
وعايز تنور وعايز تطور
وتعمللي روحك مفرد رجال
ساعتها حجيبك لايمكن اسيبك
وراح تبقى عبره وتصبح مثال
حبهدل جنابك واذل اللي جابك
وحيكون عذابك ده فوق الاحتمال
وامرمط سعادتك واهزأ سيادتك
واخلي كرامتك في حالة هزال
وتلبس قضيه وتصبح رزيه
وباقي حياتك تعيش في انعزال
حتقبل ححبك حترفض حلبك
حتطلع حتنزل حجيبلك جمااااال

31 comments:

Anonymous said...

Dear yara , thanks for finding a new nice name for me Shreid hhhhaaaa, anyway i read this post yesterday at the blog of ma-3alina of something like that, it is a wonderful poem which rely discribe the relationship between the egyption people and their goverment or president. So long the egyption people do not say the truth and accept everything the goverment is doing then they are oke but if they say the truth and try to change the country to beter condition then they shall be pressed by the force and police of goverment. But if you know the egyption people it looks as they wil do nothing, but they do it at teh moment which you do not expect it. it is typical egyption, we have seen during the great war at 6 of oktober. have a nice day and see you soon.

Sherif

micheal said...

هههههههههههههههههههههههههه..جامده جدا يا يارا
ملخصه الحكايه من اولها لاخرها
أحييكي بشده علي البوست ده
سلامي لكي و للعائله كلها و قولي ليهم يبطلوا كسل بقي
:)

Anonymous said...

اوعى تتجننى فى عقلك و تنزلى بوست لقرابة شهر
سيبى اكبر عدد ممكن يستمتع بحلاوة القصيدة
ممتازة لأبعد الحدود
انا احتفظت بيها
و طيعا عارف الامضاء
واحدة مسمهاش يارا
:)

yara said...

Shreif:
do u really believe that Egyption will do anything???
Good for you to believe in them
but i dont think your trust has a reasone

Micheal:
merciiiii ya Micheal
and by the way i dont think that samar and mona will ever write again as they are lazy girls
: )
على فكرة يا مايكل مش أنا اللى كاتبة البوست
على العموم باركلى بقى عشان إتخرجت و ها أشاركك الفراغ و العطلان عن العمل


أحمد مختار عاشور:
ما تخافش مش ها أتجنن فى عقلى أصلاً عشان عقلى فااااااضى و مش لاقية حاجة أكتب فيها
و بعدين الإمضاء (مش أنا ).. مش واحدة مسمهاش يارا) عشان أنا معرفش اللى كاتب الشعر ده واحدة و لا واحد اللى بعتهولى ما كانش عليه إمضاء

Anonymous said...

هههههههههههههههه
يارا
مفيش تشغيل مخ شوية يا جميل
انا لو كتبت كومنت كدة لشادى و انا معرفهوش يبقى اكيد مريض نفسى
........
انا بدرس فى طب اسيوط
و شادى فى صيدلة اسيوط
و احنا الاتنين ساكنين مع بعض فى نفس الشقة
و انا اعتقد ان معظم المدونين اللى متابعينا كويس عارفين كدة يا جميل
لو كنتى بتابعى مدونة شادى كويس كنتى هتعرفى اننا اكتر من الاخوات و بينا نظام تغليس فى الكومنتات
........
عامة انا مقدر شعورك النبيل فى الدفاع عن صديقى العزيز من بطش من كنتى تحسبيه معتدى
........
تحياتى يا قمر

yara said...

خلاص يا أحمد.. آسفة

Anonymous said...

ولا يهمك يا يارا
لو انتى عندك مسنجر
و معندكيش مانع ممكن تضيفى ايميلى
انا اون لاين دلوقتى

Anonymous said...

Dear yara,

I believe in teh egyption people of course i am agree with you at the moment tehre is no reason to believe taht things are gonna change, but sometimes you can not expect things it happens at the moment you think it wil never happen, and that the complicated of a people who has the oldst history in the world, look at 5 juni 1967, 40 years ago. if the has happend in any other country then the people wil protesty agianst the prsident and snd him away , what happend in egypt the people said to nasser you did it it was your fault try to make it good it is your responsiblty, you do not go a way without trying to make your mistake oke. not everybody understand it, if i told it to my dutch friends they laygh and say thye same as you. but we shall see. Any my dear congratulation with your graduted and good luck with finding a nice job.

Sherif

الربان said...

تحياتي

من أجمل ما قرأت.... متمكنه...الفاظ بسيطة سهله...معبرة...
تهانينا علي الابداع...و يارب دائما بالتوفيق.

تحياتي و تقديري

Anonymous said...

تحية طيبة

سرني وجودي هنا.. ووفقك الله في دراستك

بخصوص الإهداء فكم يشرفي هذا الإخلاص النبيل
والذي آمل أن يدوم

مع تحياتي

همس الليل said...

بصراحه انا مش عارفه انتى اللى كتبتى الكلمات ولا لاءة لانى شوفتها فى مدونه ما علينا

عموما لو كتبتيها انتى بجد بحييكى اوى

ولو منقوله بردو بحييكى على اختيارك ليها فى الوقت دا

كلام لوجيك said...

ازيك يا يارا
كان نفسى اكون اول تعليق بس تتعوض بقى المرة الجاية
اولا : مبروك على انتهاءك من الامتحانات والكليه بحالها
مبروك التخرج مقدما واتمنى انك تكونى من المتفوقين انشاء الله

ثانيا : انتى امامك مرحلة جديدة فى حياتك محتاجه انك ترتبى افكارك كويس
اتمنالك كل التوفيق والنجاح فى حياتك ككل وان تكون سنة 2007 سنة الخير ليكى

بالنسبة للبوست
هايل جدا واختيارك موفق جدا جدا جدا
تعرفى انها وصلتنى عالإيميل من زميلة سورية فى الشركة؟

اعتقد انك فضيتى دلوقتى ، عشان كده هننتظر منك بوستات مميزة الفترة الجاية

خالص مودتى
ساكاماكا

محمد النجار said...

بصرا خة اهداء رائع
ربنا يكرمك

Anonymous said...

yara may i speak to cat_eues,

Hi Noura how are you doing/ it is along time ago. have a nice day.

Sherif anwar ahmed

micheal said...

هههههههههه..لأ باذن الله ميكونش عندك الفراغ اللي عندي
:)
تحياتي لكي و للبنات الكسلانيين اللي عندك
:)

yara said...

Shreif:
Thanks ( ed3eely)

الربان:
فعلاً معبرة عن الوضع الحالى و مدى الإنحدار اللى وصلناله و ده الى بيخلينى أستغرب فعلاُ بين فرق الموقفين بين حسنى مبارك و جمال عبد الناصر اللى قرر التنحى نهائياً لمجرد إعتقاده بإنه خذل المصريين و ما رجعش غير لما الشعب كله وقف وقفة واحدة يطالب بعودته عن قراره و العدول عنه بالدموع أما التانى ف متبت تبتيتة سودة و مش فاهمة ليه متبت بالرغم إن البلد خلاص ما بقاش فيها حاجة تتنهب

س.أومرزوك:
ميرسى .. ربنا يخليك
بس هو فين الإهداء النبيل دة
و فعلاً بتأمل بإستمراره؟؟

cat_eyes(همس الليل):
مش أنا اللى كتباها طبعاً و المشكلة كمان إنى معرفش مين العبقرى اللى كاتبها عشان هى إتبعتتلى فى إيميا من غير إمضاء ف مقدرتش أكتب مين اللى كاتبها
بس طبعاً قصيدة عبقرية
و متشكرة على الزيارة

كلام لوجيك:
أهلاً أهلاً.. إزيك؟؟
إنشاء الله بس النتيجة تطلع و بعدين أبتدى بقى أحدد أنا ها أعمل إيه رغم إن كله فى دماغى و مرتبة أفكارى الحمدلله بس محتاجة شوية راحة و أجازة و ده طبعاً مش ها ينفع يحصل دلوقتى عشان المشروع
المهم إنت.. إزى جانا؟؟

محمد النجار :
ميرسى و مبسوطة إنه عجبك

Micheal:
merciiiiiii
we ed3eeli ba2a

صاحب البوابــة said...

السلام عليكم

اشكر كل من تساءل عن غيابي

ووقف بجانبي في محنتي

تحياتي لكل شريف حر

كلام لوجيك said...

ازيك يا يارا
جنا كويسة وقربت تيجى خلاص
احنا فى الهدف دلوقتى

كويس انك مرتبة افكارك كويس ومحددة هدفك كويس
المهم
المشروع هيبقى عن ايه؟

خالص مودتى

yara said...

يارب تيجى بخير يا أسامة
و المشروع
steel structures

3abdo me7tas said...

كلامك حلو

S H A H said...

بجد بوست رائع يا يارا
فعلا داس على الوتر الحساس

Anonymous said...

Dear yara, hard worker. Is everything oke with your project, i hope that you have made a wonderful steel construction. best wishes for your project.

Sherif

sherif gharib said...

اجمل ما فى اسلوبك السخريه المتعلقه فى كل جمله
لان فعلا الوضع ما بقاش بستحمل غير ضحكه سخريه على كل الاوضاع و انتى اجادتى جدا فى استخدام هذا الاسلوب
بجد ملخص لكل فصول الروايه فى مجموعه من الكلمات و السطور الرائعه المعبره عن كل ما بداخلنا من االالم و الحسره على ما نحياه فى هذا العصر
تحياتى

!!! الراس الكبيرة منة said...

جامدة بجد ومتحرميناش من البوستات الحلوة دى

تحياتى

abderrahman said...

جميلة
:)

el kazzafi said...

مدونتي:
http://aglocohits.blogspot.com/

المدونة بها :


زيادة الريفيرال
وبناء شبكتك
وبناء مدونتك واشهارها
وكيف تجعل موقعك اول نتائج بحث جوجل
وتصفح متخفي وراديو نجوم اف ام
nojoom FM
والان خدمة الرد المباشر على جميع اسئلة اجلوكو في اول غرفة دردشة مختصة باجلوكو

micheal said...

ألوووووووووووووووووووووو...أوعي تكوني أنتي كمان بقيتي كسلانه
:)
تحياتي لكي و للجميع

Dr. Tantawy said...

اولا سلامتك من الـ
drowning
لو تحبى ابعتلك مركب انقاذ :)

تانيا .. بجد القصيده دي من احلى ما قرأت على النت .. و كل مره اشوفها في مكان لازم ارجع اقراها من الاول للآخر كأنها اول مره .. معبره اوي و كلماتها بسيطه اوي .. يعني م الأخر .. اختيار موفق يا يارا :) بس عيبها انها بتعبر عن حالة مزاجيه مش ولا بد :) و انا نفسي تكوني دايما متفاءله و مشرقه .. اوكى

Anonymous said...

yara
u r amasing.have a nice style &talant.seems u want to start ur life same time u end it by ur self it's useless the way u did regardless it's all facts.but if we want to make it try to start with ur self &pp around u.the words can change nothing.we r a workless people hate to work hard we adore fahlwa&fast results.with no pain.

م.محمود said...
This comment has been removed by the author.
م.محمود said...

لو انت مصرى كنت تعرف يعنى ايه معنى الشقا
كنت تعرف اننا عايشين فى نار
بين السندان والمطرقة
والظلم ظلمة ...وعمره لله ما اتقى
شربنا منه المر كاسات
اما الهنا بالشوكة مش بالمعلقة
وهو كدة
يا اما تعيش من غير لسان
يا اما حبل المشنقة
تحياتى ؛_م. محمود
meromaro46@yahoo.com