09 March 2007

الإخوان

إن من أقصر الطرق للوصول الى الأهداف السياسية والإجتماعية وخصوصا في المناطق ذات الموروث الديني والروحاني والشعبي .. هو طريق الدين و طريق الدين عندنا يتمثل فى جماعة الإخوان المسامين ..لاحظت فى الآونة الأخيرة حالة إتفاق شعبى على الإعتراف بالجماعات الإسلامية و ما تشكله من تنظيم حديدى يقوم على الطاعة المطلقة كقوة عظمى تعادل قوة الحزب الوطنى بنفوذه و آلياته.. و طبعاً أقصد بالجماعات الإسلامية جماعة الإخوان المسلمين و أكثر ما يقلقنى فى هذا الإمتداد و التشعب لجذور أفراد هذة الجماعة و حالة الإستجابة الفكرية و الشعبية لجماعة الإخوان و الدعم الجماهيري الذى يلقاه الإخوان المسلمين و تغير النظرة الخائفة بنظرة أكثر ثقة ب أن الإخوان هم الحل ...و أنهم السبيل و طوق النجاة
حيث أوضحت نتائج المرحلتين الأولى والثانية من الانتخابات البرلمانية بأن حصة الإخوان من الكتلة التصويتية تزيد حتماً على الثلث
و لكن هل الحل للخلاص من الإستبداد هو إستبداد أكبر و أعنف
أم لا يتعدى الأمر عن كونه حالة تناقض جديدة يعيشها المصريون بين ما يريدونه و بين ما يعتقدونه وسيلة للخلاص
و هل النسبة الرافضة للإخوان المسلمين قادرة على مواجهة الأغلبية بما تعانيه من تشدد فكرى و مذهبى ف هذ ا التنظيم الفولاذى بشعراته و ثقافاته قادر على تهديد الوطن المصرى ب خطر أكبر من خطر مبارك ..خطر العنف و الإستبداد الدينى و القهر الفكرى ..خطر التشدد و الإرهاب ..خطر الصوت الواحد و الرأى الواحد و الفكر الواحد

كثيراً ما يختلط الأمر عندى و أفقد القدرة على التميز بين جماعات الإخوان المسلمين بشعار الإسلام هو الحل و بين الجماعات الإرهابية ..فلم يكن أبداً هناك معنى ثابت لهذا الشعار ف كثيراً ما أساءوا إستخدام هذا التعبير ف كانت النتائج تطرف فكرى و دينى لحاملى هذا الشعار... و بلبلة و إنشقاقات بين أفراد المجتمع المصرى بما يعانيه من ضعف واضح للثقافات و رغبة دائمة ب أن يقوده الأعلم و الأقدر من وجهة نظر هؤلاء الأفراد المستسلمين و كأن الأمر لا يعنيهم أخاف من خطر الفتنة الطائفية على مصر و المصريين ف المجتمع المصرى يجمع بين مسلمين و أقباط
وليبراليون ويساريون وناصريون و كلهم لا يريد الإخوان


i didn't think that i'm qualified enough to talk about such a critical matter we suffer from in Egypt
but it's just a trial for me to open that door

36 comments:

محمود سعيد said...

والله حضرتك قلت فى الأول كلام يستحق الرد عليه

لكن لما قرأت آخر المقال
وقولك انك مش عارف تميز

قولت يبقى ديه أولى
يبقى ببساطة انت مش عارف يعنى إيه إخوان
انت سمعت
قريت
انما شوفت ماعتقدش


بس برضه هارد على كلام حضرتك اللى فى الأول
لما انت متخيل ان تيار المفروض انه سياسى بيستغل الدين (كما تعتقد)
فأنا أطلب منك فعلاً تفسيراً لكون الإخوان جماعة قائمة من أكثر من 80 سنة
عبر الملكية وتعدديتها الحزبية
والثورة
ومحمد نجيب وهشاشة فترته
وعبد الناصر و بطشه بالإخوان
والسادات وحبة الحرية اللى كان سايبهم
وحسنى اللى عمل خلطة من كل اللى فات

80 سنة تيار سياسى (زى ما بتقول) وعمره ما شارك بوزير حتى
آخره شوية مرشحين فى مجلس الشعب
وأظن ده مش سلطة حكم
ده سلطة شعبية (مجلس الشعب)

ده حتى لما الشيخ الباقورى اتعين وزير اتفصل من الجماعة ، لأنها كانت ترى عدم جواز المشاركة فى الحكومة التى لا تحكم بدين الله (فترة قاصرة منقوصة لها ظروفها)

طيب وبلاش ده كله
لأ طيب وبقالهم بتاع 70 سنة فى السجون
ازاى صابرين 70 سنة فى سبيل حكم البلد
طيب بذمتك مش الموضوع يخلص ثورياً فى يومين فى مصر
زى الثورة اللى فاتت

إيه اللى مصبرهم 70 سنة
ديه أسألة لازم تعرف إجابتها

بعدها نبقى نناقش فكر الإخوان ووسائلهم وهدفهم وأسلوبهم .

محمود سعيد said...

أظن لازم أصحح ضمير المخاطب فى كلامى
لأنى اكتشفت أنى لم أكن أعرف أن صاحبة المدونة
yara

Anonymous said...

Dear yara i am the same as you i do not trust the Muslim brotherhood and all the islamic groups, they are using the islam to rule the country, i know the musli brotherhood very well and i know also the other muslim ploitical groups as Jihad and gamaat islamia, when i studied in cairo they were very fanatic if you talk with a girl who is studying the same as you then you are a kafer my god, if they want be very religous it is oke but do not mix politicwith faith. And the Jihad and gamaat Islamia how many people have been killed in egypt by those people in the years 80 and 90? and after years in the jail they say oh sorry we were wrong, it is not so simple, people who can not recognaize what teh resulat of violence is, i do not trust them, they are strong cause of the situation in egypt, The people hate the egyption govement, they could not change it that is why they vote for the islamic partys. anyway it is a long story about Muslim brothsrhood when i studied in egypt i read all their books, do not trust them? they want one thing be powerful, rule the country and the we have to do what they want. they are religion substuation of moubarak. Both are dictators. Anyway i wish that you are oke, my second jobmeetin was very oke i think that i shall got the job next thursday they will call me back. i shall let you know, i am just waking up now it is 9.30 clock dutch time weekend hhhaaa. have a nice day and see you later

كلام لوجيك said...

بصراحة مطلقه يا يارا
انا اختلف معاكى تمام
انتى ليه بتسبقى الاحداث وتقولى انهم هيبقوا مستبدين واننا هنهرب من خطر مبارك عشان نقع فى خطر ارهابهم؟؟
انا مش شايف اي حاجه تعيب الاخوان ابدا
وخاصة ان ليا اصدقاء منهم من ايام الجامعة
غير اللى قابلتهم فى الغربه سواء فى الامارات او فى الكويت
دول ناس محترمين جدا وزوق جدا ومعظمهم اطباء ومهندسون وذو مستويات ثقافية عاليه جدا
ولهم بصماتهم الواضحة فى الاعمال الخيرية ومساعدة الناس وعدم انتظار يد الحكومة لإنقاذ البؤساء والمحرومين
تلك اليد التى لا تمتد للمواطن الا لضربه على قفاه
انظري ماذا استفدنا من وزراء الحزب الوطنى واعوانه من رجال الاعمال؟؟
انظري الى المأساة التى نعيشها ونحن محكومين بواسطة شلة ليبراليين اضروا بمصر اكثر مما أفادوها
انظري الى حكومة حزب العدالة التركية الاسلامية
والى حكومة اندونيسيا
والى حكومة ماليزيا تلك الدولة الاسلامية الرائعة
هم ماذا كانوا واين اصبحوا الان
ونحن ماذا كنا واين اصبحنا الان؟؟
يجب ان تتفكري جيدا قبل ان تحكمى عاى اي شخص او موضوع
اعطوهم الفرصه وانظروا ماذا سيفعلون ثم تكلموا بعد ذلك
انا لست اخوانيا وانت تعرفين ذلك
ولكنى اتكلم بحيادية وموضوعية ومن خلال رؤيه لبعض الاحداث والمواقف التى رأيتها
وفى النهايه يا اختى العزيزة فهذا هو رأيي الشخص
لكى ان تقرأيه
او ان تتجاهليه
تحياتى لكم جميعا
ودمتى بألف خير

محمود سعيد said...

انا على فكرة لسه مستنى ردك
ويا ريت تشوفى بس CV's المعقلين دلوقتى من الإخوان
تشوفى أساتذة الجامعة
المهندسين
رجال الأعمال المحترمين
حتى الطلبة أوائل

http://ensaa.blogspot.com

yara said...

أسامة و محمود سعيد:
أنا مش عارفة إنتوا ليه خادتوا كلامى على إنى بغلط فى الإخوان المسلمين ك أفراد ما أنا بتعامل معاهم طول الوقت و عارفة إن أخلاقهم عالية و مهذبين و مثقفين بس أنا بختلف معاهم ك فكر و على فكرة يا أسامة كان ليهم منشور فى إنتخابات الرئاسة اللى فاتت عن توجهاتهم فى حالة إنهم يمسكوا الحكم و عن كونهم فى نية للتطبيق الشريعة الإسلامية بدل من العقوبات المنصوص عليها فى القضاء المصرى و ما عنديش شك إن ده أحسن بس إحنا مش بلد مسلمين بس عشان نطبق عليهم الشريعة الإسلامية و كمان فرض الجزية و ما أتخيل سيؤول له الحال من معاملة المرأة كما تعامل المرأة فى السعودية من تغطية كاملة للمرأة من قدميها و حتى أعينها و فرض الأراء الدينية و منع المرأة من العمل و الكثييييييير من مظاهر التخلف و التأخر فى السعوديه
و يا أسامة ها أحاول أجيبلك المنشور ده اللى قريته و اللى كان باين فيه قوووووى إزدراء علنى للأقباط بمعنى ها يشوفوا أيام سودا
أما إنت يا محمود ف أنا أعتذر لو أخدت الكلام على محمل شخصى ف أنا بعيد تانى ب إنى ما بتكلمش عنهم ك أفراد لما يتمتعوا به من أخلاق عالة و تهذيب أنا بس بتكلم عن أفكار شديدة التشدد فيما يتعلق بالدين
كمان عمرى ما قلت و لا حتى حسيت بينى و بين نفسى إنهم بيستغلوا الدين لخدمة أهدافهم السياسية و لكن بقول إن ده أقرب طريق يدخلوا بيه للناس فاهمنى

yara said...

Shreif:
i guess i don't need to say that again i agree with you
i don't know why i always hated to be governed by muslim's groups
i hate anyone can come between me and God
i think it's always a special relationship that no one can come through
but i don't hate them as a persons i always respected them

محمود سعيد said...

السلام عليكم
انا مخدتش الموضوع بزعل ولا حاجة
ليكون انتى اللى زعلتى

بس فعلاً ردك حيرنى
طيب لما انتى فاهمة ان الاخوان لا يستغلوا الدين

وعاوزة تقررى ان الدين هو اسهل الطرق للوصول للشعب المصرى

ليه ذكرتى نموذج الإخوان المسلمين
ولم تذكرنى نموذج النظام المصرى
والحزب الوطنى فى إستغلال الدين
بشكل مضحك
فعلاً مضحك لأنه مخالف لهم هما نفسهم

el2ahwagi said...

I agree that politics and religion should not mix

The fact that they survived so is the communists before and elnasereyeen .. these are political streams and they will always be there.

having a religious group as the state is not good for the religious people or the state..!!

Anonymous said...

Dear yara ,

I am not hating the islamic groups also i know some of them who are smart and honest but you have not religious people also who honest and smart so you are right when you said it is a relationship between me and God. that is the point and the Muslim brotherhood and other islamic groups are saying all the time that they have the real islam and others not, even Prophet Mohamed peace with him HAS NEVER SAID SUCH A THINGS he was very tolrent even with people who HAVE NO RELIGION AT ALL AND THAT IS THE REAL ISLAM FOR ME BE USEFUL FOR YOUR SOCEITY , FAMILIE COUNTRY AND RELIGIOUS. But the islamic groups in egypt want have only power, lOok at my city where i come from Al Minia, in the years 80 and 90 was alminia the capital of fundementalist in egypte and the guys who terrorizied the streets in the name of islam, for exampel if they see a girl and a boy walking on the street they hide them and treated them very bad, those guys got a help from the goverment and become a very riche people. They a
have a big shops and a lot of money. and they are just busy with doing businis. So it is not a matter of religion it is the matter of social and economie problems. If everybody in egypt has a good live as in holland then it wil be no fundamentlism. I hopethat everything eb oke with my lovely country egypt and becomes democratic and free. dear yara have a nice day,

Sherif

micheal said...

كنت و مازلت و لازلت أري أن الدين لا دخل له بالسياسه و أمور الحكم و انا هذة مهمه الدساتير و القوانين...و طبعا الدستور و القانون حيكون موضوع في ظل الاعراف العامه..يعني برصه الواحد مش عاوز دستور مثلا يقنن الشذوذ الجنسي...الدين دوره يقتصر في حياة الفرد بس لتهذيبها و تقويمها في أفضل صوره
تحياتي لكي و بصراحه اللقاء كان ناقصكوا و ده اللي أنا قلته أنا و شادي...احنا كنا 60 مدون و مدونه
في اتظارك أنتي و سمر المرة القادمه

حسن محمود said...

First of all thank you for your courage to say u r not qualified enough to talk about such matter. So the question is why u want to open that door?
Isn't better that u get qualified first then enter the debate and fight for your opinion?
And can I know why u write in English if u can write in Arabic?
I will write in Arabic because I hate so much to ignore my mother language like that without good reason.

"و أكثر ما يقلقنى فى هذا الإمتداد و التشعب لجذور أفراد هذة الجماعة و حالة الإستجابة الفكرية و الشعبية لجماعة الإخوان"

ممكن اعرف ايه مصدر القلق؟
خايفه يفرضوا الحجاب والزى الاسلامى؟
طيب ودى حاجه تزعل؟
على كل حال ياستى هموا قالوا قبل كده مش عايزين منافقين مش هايفروضوا حكم الشريعة الا لما الشعب يتقبلها يعنى مافيش اكراه
وهارد عليكى عملى مش نظرى
فى دكتور اسمه حسان حتحوت ده من الاخوان المسلمين واللى عاصروا الامام حسن البنا مؤسس الاخوان المسلمين. المهم هو متجوز واحده مكنتش محجبة وبعد كده اتحجبت وجابوا بنت , البنت دى مش محجبة فمحاور الجزيرة سألوا – فى برنامج زيارة خاصة – طيب انت ليه مش فارض عليها الحجاب ولا أنت مش مقتنع ان الحجاب فرض؟
قالوا طبعا الحجاب فرض أنما انا ليه الاقناع وأترك لها الاقتناع وهى مقتنعتش خلاص انما هو حاول يقنعها وعمل اللى عليه خلاص هايعمل ايه يعنى؟
ولعلمك فى كتير من بنات عائلات الاخوان مش محجبات يبقى ما أعتقدش ان أول حاجه هايفرضوها على الشعب الحجاب حتى تبقى حركه أونطى
تطبيق الشريعه مش هايتم فى يوم وليله. طبعا شفت تعليقات الأخ اللى مش واثق فيهم . مش بطلب منك تثقى فيهم
ومش بطلب منك تشجعيهم بس هاتى انتى حل
انما تقولى مش عايز اخوان طيب عايزه مين ؟

تفتكرى ايه اللى فاضل وماحصلش للبلد دى؟
عندك موضوعين يقلقوا بس
المسيحيين والعلاقات الخارجية هابتدى بالسهل
العلاقات الخارجية مش هايبقى فيها مشكلة علشان لما الكل يعرف واقع الجيش المصرى انه مش قد المستوى ومش قادر يخدمك يبقى أنت مجبر ان علاقاتك الخارجية تبقى على قد امكانيتك وماتقدرش تحط شروط ومتضطر تنفذ اللى القوى عايزه منك علشان انت ضعيف
نيجى بقى للمسيحيين لازم تحددى انتى بتتكلمى عن انهى مسيحيين ؟
فى ناس كويسين وعايزين يعيشوا فى سلام خلاص دول مافهيموش مشكله المشكله فى اللى بيستقووا بالغرب وامريكا علشان يعملوا مشاكل دول بقى مشكله حتى للحزب الوطنى دلوقتى
على كل حال ياستى كل اللى عايزه منك انك تبقى موضوعية علشان للأسف انا اتخانقت مع اتنين قبل كده علشان شايفيين الاخوان دول ظاهرة صوتية وبس ومخدموش مصر خالص وكلام مايصحش يتقال
فمش عايزك تنزلقى للنقطة دى. معترضة على الاخوان . حلو جدا قولى معترضه على ايه وليه فى نقط
معترضة انهم يدخلوا السياسة أصلا . اعتراض كويس مش ممانعك فيه بس زى ماقلت ليكى اعتراض وبس من غير ماتقولى حل بديل يبقى ليه الاعتراض بقى ؟

سؤالين شخصيين ياست يارا انتى فى قسم ايه فى هندسة؟ وياترى محجبة ولا ولا؟
ومن حقك طبعا ماتجوبيش على السؤالين دول
ده بس فضول مش أكتر
وشكرا لسعة صدرك
ودمتى بخير
سلام

شادي فايد said...

اه

الله

ايه الحوار الساخن ده

يلا ردي يا يارا انا مستنى ردك على الناس دي

بس انصحك بلاش دبلوماسية في الردود

شادي فايد said...

انا ح احاول اساعدك بس لو عجزت ح ادور على حد بيعرف يرد عني

أحمد مختار عاشور said...

الأخوان لا تستخدم العنف ولا الارهاب الآن
كما كانت تفعل فى الماضى
لكن أحيانا تكون الأفكار أشد قسوة من أفعال العنف
....................
هناك مقالة بديعة لــ د. سيد القمنى نشرت بجريدة القاهرة عنوانها- الذى قد يكفى - يقول
الجماعات الاسلامية لا تسعى للضحك على عقولنا كما تفعل جماعة الاخوان المسلمين
.........................
الاخوان ثعالب يتظاهرون بالليبرالية و حماية حقوق المرأة و الأقباط حتى يصلوا للحكم و بعدها يخلعوا الأقنعة
.........................
و لتوضيح فقرتى الأخيرة يمكنك قراءة مقالتى الساخرة
على هذه الوصلة
http://3ashoryiat.blogspot.com/2006/12/blog-post_6076.html
.............................
مع خالص تحياتى

yara said...

الأستاذ حسن محمود:
أحب الأول أفهم لما بتكره الكلام باللغة الإنجليزية إتكلمت بيها ليه؟؟
ثانياً
ممكن توضحلى هل وصل ضيق الأفق لدرجة إن رأيى ب إن ما بحبش الإخوان المسلمين يخليك تسأل هل أنت محجبة؟ ولا ولا؟؟
يعنى إيه يعنى ما فهمتش
إسلوب جديد عشان توصل بيه بطريقة غير مباشرة إنى طالما أختلف فى الفكر مع الإخوان المسلمين معناه إنى ما بعرفش ربنا
هل هو ده المنطق اللى بتنادى بيه الحكم بظواهر الأمور
و إيه بقى؟ القسم اللى أنا فيه ف الكليه ها يحدد أخلاقى لو أنا مؤدبة ولا لأ
؟؟؟
على العموم أنا مش محجبة و ف قسم مدنى
و أحب أقولك إنى أحترم رأيك و لك مطلق الحرية ف الإختلاف معايا بس مالكش أى سبب ف التلميحات السخيفة

وضحت أسباب كرهى للإخوان المسلمين ف حالة لو مسكوا الحكم و ضحت إنى متخوفة من الفتن الطائفية اللى ها تحصل و قلت كمان إن النية اللى وضحت من العريضة اللى قدموها ف إنتخابات الرئاسة لم تبشر خيراً و ما هياش معلومة جديدة إنهم بيستخدموا العنف و القوة ف فرض الأراء يعنى الفرق بينهم و بين الحزب الوطنى مش كبير و لو فى فرق ها يبقى لصالح الحزب الوطنى
ما قلتش إن عندى حلول بس على الأقل إنا مش شايفة إن الإخوان هما الحل
الإسلام قد يكون الحل بس مع المسلمين ما جيبش ناس مش مسلمة و أفرض عليهم الشريعة الإسلامية و أطالبهم بممارسة عقائدنا لمجرد الحفاظ على مظهرية متعجرفة و رغبة عميقة لفرد الرأى و السلطة
و هل هو تحضر و رقى من وجهة نظرك إن أبقى بتكلم مع واحد متدين من الإخوان ف يبص ف أى إتجاه و هو بيكلمنى غير اللى أنا واقفة فية و لا هو تطبيق للشريعة الإسلامية إن المعيدين أو الدكاترة عندنا فى الكلية و اللى بينتموا للجماعة بيقفوا يشرحوا و هما باصين ف السما بس عشان عنيهم ما تقعش على مرأة سواء محجبة أو غير محجبة هو ده سلوك الرسول؟ عمره حقّر من شأن مرأة و تعامل معها على إنها العورة
متمثلة فة كيان حى؟؟؟
و هل التشدق بالعبارات القاسية و إطلاق إتهامات الكفر على كل من يختلف معهم فى الرأى نوع من أنواع الديموقراطية؟؟
رؤية أنفسهم على إنهم الكيان الأسمى و الرأى السديد و الفكر المتحضر
بيضمن حرية و تقدم و نزاهة ها يعيشوا المجتمع ف ظل حمايتهم
الكلام كتييييييير قوى بس واضح إنك مش عايز تسمع رأى غير رأيك


شادى:
ما تسخنيش
أنا مش ناقصة
:)


مايكل و شريف و أحمد مختار و القهوجى أتفق كثيييييييييييييييييييييييييييييراً معكم

حسن محمود said...

ياخبررررررررررر أبيض
ده واضح ان انتى معبية خالص

أولا: أتكلمت بالانجليزى علشان بحب مبدأ المعاملة بالمثل. انتى حطيتى عربى وانجليزى فقلت أرد انجليزى وعربى وبعدين انا قلت لحضرتك أنى هاكتب عربى

ثانيا: متشكر ياستى على وصفك ليه بضيق الأفق
انتى لخبطتى كل ألامور فى بعضها

اخر سؤالين كانوا شخصيين جدا وقلت لحضرتك اذا مش عايزه تجاوبى عليهم يبقى من حقك
ملهمش علاقة اطلاقا بالموضوع
ومش برمى اى تلميحات اطلاقا من قريب ولا من بعيد
والدليل انى قلت لحضرتك ان فى كتير من بنات الاخوان مش محجبات
يبقى ايه بقى ؟
بس انا كنت متخيل انك بنسبة كبيره مش محجبة فقلت أتاكد

حجاب مش حجاب مش فارقه معايا
دى حريتك

شوفى ياستى ردى على الاخ محمد عادل فى مدونة مصر هى امى
أهو الراجل ناصرى
يبقى كلامك انى مش بحترم اللى بيختلف مع فكر الاخوان مش مضبوط

حضرة الزعيمة واحده ناصرية انما بحترمها جدا على الرغم من اختلافى معاها فى معظم الاراء

وواضح ان انتى اللى مفهمتيش اللى انا قلته
قلت لحضرتك مش هايطبقوا الشريعه الا لما الشعب يقتنع بيها
مافيش فرض
الفرض هايطلع منافقين
أسامة الغزالى حرب سأل عبد المنعم أبو الفتوح -عضو مكتب الارشاد-فى برنامج على قناة دريم مش فاكر اسمه ايه
قاله ناويين تطبقوا الشريعة؟
الرد: هانخلى الشعب هو اللى يقرر
فين بقى الفرض؟
---------------------------------
و هل هو تحضر و رقى من وجهة نظرك إن أبقى بتكلم مع واحد متدين من الإخوان ف يبص ف أى إتجاه و هو بيكلمنى غير اللى أنا واقفة فية
********************************
انا بعتبر ده حرية برضه
هو ياستى حر يبص ماطرح ماهو عايز
مش عاجبك سيبيه وامشى
حرية برضه
برضه ياستى المعيدين والدكاتره احرار
انتى مش مؤمنة بالحرية؟
اذا هموا شايفين ان الستات عورة ومش لازم يبصوا ليهم هموا احرار فى رأيهم
وعلشان بس ماتبنيش تخيلات على مافيش انا مش بقول ان ده رايى انا كمان
انا بقول كل شخص حر فى تصرفه
----------------------------------

و هل التشدق بالعبارات القاسية و إطلاق إتهامات الكفر على كل من يختلف معهم فى الرأى نوع من أنواع الديموقراطية؟؟
**********************************
لم ولن يحدث ان الاخوان اتهموا حد بالكفر
عند حضرتك دليل انهم اتهموا حد اتفضلى قوليه
مش عند حضرتك يبقى خلاص مانروجش اشاعات بقى

----------------------------------
واضح إنك مش عايز تسمع رأى غير رأيك
**********************************
امال انا بتكلم معاكى ليه؟
علشان اسمع رايى؟

واضح ان سعادتك مشحونه جامد ضد الاخوان
ياستى مش شايفه انهم حل جميل جدا
هموا شايفين انهم الحل
خلاص خلى اللى عنده حل يمشى وماتوقفيش الدنيا
هموا مش مكتفين سعادتك وبيقولوا ليكى ياتبقى اخوان يابلاش
واقفه ضدهم براحتك برضه
برضه كنت سالتك فى الأول ليه سعادتك فتحتى الباب ده روحتى سعادتك سيبتى السؤال ده وجاوبتى على سؤالين شخصيين

وشكرا
سلام

yara said...

حسن محمود:
برضه بعتقد إن إستخدام تعبيرات حضرتك
و سعادتك فى الحوار نوع من أنواع السخرية و التريقة مش عارفة ليه إنت مش عارف تتناقش عادى
و على العموم إنت حر تتريق زى ما إنت عايز بس ما تقوليش أنا بتكلم عادى و إنتى اللى معبيه

نيجى بقى لموضوع الحريات إيه اللى يديله الحق فن تحقيرى بالشكل ده
يعنى أنا لو شتمته كنت ها تقول علىّ حرة و لو مش عاجبه يمشى و يسيبنى؟؟
الحرية يمكن أن تمارس طالما لا تتعدى على حريات الأخرين و لا بتأذى مشاعرهم
يعنى إنت كان رأيك إن عبدالكريم حرّ يغلط فى الأديان السماوية ؟؟؟
و طبعاً لو قلتلك إن حركات تكفير مسلمين لمجرد إختلاف فى وجهات النظر و كمان إطلاق أحكام من نوعية دول يستاهلوا الحرق و الدفن و هم أحياء لو قلتلك إن الكلام ده حصل قدامى فى مناقشات مع ناس من الإخوان ها تصدقنى؟؟
على العموم فى النهاية أنا أختلف و إنت تتفق ديه طبيعة الحياه و الإختلاف فى وجهات النظر لا يفسد للود قضية و ما كانش عندى أى شك إنى ها ألاقى إعتراض كتير من ناس كتير على رأيى
و لكن بس تانى أحب أوضح إنى لا إختلف معهم ك أشخاص بتعامل معاهم طول الوقت و بيحترمونى و بحترمهم
أو بمعنى أدق بحترم المحترمين منهم إنما فى نماذج كتتتتتتتتتتتتتتير منهم بتسىء للدين و للجماعة و بتمارس التطرف و الحدة لأقصى الحدود

موضوع بقى إنى ليه إتكلمت ف الموضوع و أنا مش شايفة إنى كفىء كفاية لمناقشة حاجة زى كدة
ده لإنى مش لازم أقول أنا مش فاهمة قوى ف الموضوع و مش عارفة أميز بين الإخوان و المتطرفين أو الإرهابين ... قلت رأيى ف موضوع كنت عايزة أتكلم فيه و قريت فيه قبل ما أتكلم عنه و متأكدة من كل كلمة بقولها يعنى ما بطلقش إشاعات و لا حاجة
و لا إنت شايف إن الناس تقف محلك سر؟

yara said...

حسن محمود :
نسيت أعتذرلك على كلمة ضيق الأفق
لأنى فهمت إنك بترّمى كلام ف أسفة ليك ده لو يعنى إنت ماكنتش تقصد حاجة

حسن محمود said...

لا يافندم للأسف اعتقاد حضرتك مش فى محله
حضرتك ممكن تقولى ليه ها أسخر منك ليه؟ وليه التريقه؟
بس انا فعلا بتكلم عادى معاكى مقولش ليكى كده ليه؟ دى الحقيقة

والله مش بتريق على حضرتك خالص وانا زعلان ان انتى معتقده كده

شوفى ياستى
طبعا حضرتك حره انك تشتمى هو فى حد ماسكك؟ انما المفترض ان حضرتك عندك اخلاق عاليه رفيعه فهى اللى هاتمنعك من انك تشتميه
بس حقيقى سعادتك حره فى انك تشتميه –وده رد سىء واستغلال وحش للحرية – أو ان سعادتك تقولى ليه ممكن تبص فى وشى لما بتكلمنى وده رد كويس

ومعلش يعنى ممكن اعرف حضرتك ليه ماحطتيش فى اعتبارك انه شعرك بيأذيه فهو مش عايز يبص عليكى؟
وللمره التانيه بقول انا مش موافق على اللى هو عمله

حضرتك فى قوانين البلد حاطاها طبعا سعادتك حره انك تمشى عليها او تخالفيها
طالما أنتى بتختارى بارادتك يبقى حضرتك حره
وطبعا رايى فى عبد الكريم انه حر يغلط زى ماهو عايز طالما هاياخد عقابه خلاص.
فى قانون لعدم ازدراء الاديان هو ضرب بالقانون ده عرض الحائط هو حر ما أقدرش أمنعه
وهو اتسجن يبقى خد العقاب بتاعه لأنه استغل الحرية استغلال سىء
وانا موافق على سجنه ومش معترض ويستاهل
ده رأيى
وطبعا رأيى ان ماحدش المفروض يغلط فى الاديان مهما كان
وأيوا ياستى هاصدقك فى موضوع التكفير , هو انتى هاتكذبى ليه يعنى ؟ بس حضرتك لازم تفرقى بين تصريح او كلام مسؤل او كلام طلبة لدردشة وخلاص.
طيب ياستى فى اتنين تلاته ولا عشره وعشرين حتى من الاخوان قالوا كلام وحش وزفت هل ده معناه ان الاخوان كلهم كده؟
وكويس ان قلتى فى نماذج كويسه يعنى اذا فى ناس كويسه وناس وحشه وده طبيعه اى حاجه فى الدنيا
هو طبعا المأمول انه كان يبقى نسبة الوحشيين فى الجماعه قليله جدا انما أكيد هموا مش ملايكة
وليهم اخطاء
ومن هنا ده سؤالى لحضرتك علشان أعرف هاكمل نقاش مع حضرتك ولا لا؟
هل حضرتك تعتقدى ان الاخوان ماعملوش حاجه كويسه للبلد دى خالص؟ يعنى شايفه انهم كلهم شر ولا سعادتك شايفه انهم عملوا ؟ ولا متعرفيش؟
وبناء على اجابة حضرتك هاعرف أكمل نقاش معاكى ولا لا؟

ماشى الحال؟

وياستى اعتذارك مقبول علشان انا فعلا مش قصدى أستخف بأى حد مش عارف ليه دايما مفترضه سوء النية.
ربنا يهدينا ويهديكى
ودمتى بخير
سلام

محمود سعيد said...

على فكرة انا لحد دلوقتى مش فاهم بالتحديد
يعنى بالتحديد

فين المشكلة
انا قريت البوست والتعليقات
البوست اللى انتى سميته الإخوان
عاوز يقول إيه
(يستحسن لو قلتى لنا 1 و 2 و3 كده يعنى)

حاجة بقى ضايقتنى فى الحوار ده
الأستاذ المحترم حسن محمود
لك منى كل التقدير
بس انا شايف اسلوب الاحترام الرسمى جداً ده ناس بتحس أنه سخرية
مع أنه أظن انت مقصدكش سخرية (انا قلت لك الأستاذ المحترم، بجربه معاك)
بس لها حق الصراحة تفهمه كده


نقطة تانية
مخطط الأعداء ضد مصر
أى أعداء مش لازم نتفق عليهم (سواء أمريكا ، الكيان الصهيونى ، أقباط المهجر ، البعبع)
عاوزين يعملوا مصر زى العراق (فى الفتنة الطائفية)
أبسط حاجة ممكن تحصل أن واحد ملحد ولا له أى دين وخلاص يطلع كده فى ميدان التحرير ويمسك المصحف ويروح مقطعه ودايس عليه كمان ويقول له كلمتين لهم دعوة بإخوانا المسيحين

الحكومة تطلع وتهدى والبيت بيتك والعاشرة مساءاً ويقولوا الإخوان هما السبب (مش عارف ازاى ولا ليه بس ده اللى بيحصل فى أى مصيبة ، زى موضوع السفاح ولا التوربينى)

تانى يوم تلاقى 20 قتيل فى قرية من قرى المنيا
تالت يوم 90 قتيل فى الأسكندرية
بلاش أكمل السيناريو القمىء ده .....
والصراحة لا أظن الشعب المصرى هيعمل كده (بس إحتمال)

إنما حضرتك ثقى وثق يا أستاذ ميشيل وليثق أنى أنا وكل الإخوان هافديكم بروحى
ده مش كلام
لأن إن إنساق الشعب المصرى ورا المخطط ده
البلد تولع
لأن الإسلام بيقول درء المفاسد مقدم على جلب المصالح
الله يقول : "ولا تزر وازرة وزر أخرى"
الله يقول : "لتجدن أقربهم مودة للذين أمنوا الذين قالوا إنا نصارى"
الله يقول : "لا ينهاكم الله عن الذين لم يقاتلوكم فى الدين ويخرجوكم من دياركم أن تبروهم وتقسطوا إليهم"
كمان مرة "تبروهم وتقسطوا اليهم" .
وإحنا الإخوان بنقول القرآن دستورنا
الكلام بتاع الفتنة الطائفية ده روحى قوليه للظواهرى
اللى طالع يشتم حماس والإخوان امبارح
اللى بيخالف كتاب الله وقول الله :
"أنه من قتل نفساً بغير نفس أو فساد فى الأرض فكأنما قتل الناس جميعاً "
وهو طالع يقول غزوة 11سبتمبر
"ومن أحياها فكأنما أحيا الناس جميعاً"
لذلك سيحمى الإخوان ويحيوا إخوانهم النصارى
"فكأنما أحيا الناس جميعاً"

ده الدين اللى حضرتك شايفاه " أقصر الطرق للوصول الى الأهداف السياسية والإجتماعية وخصوصا في المناطق ذات الموروث الديني والروحاني والشعبي "

وتانى أنا مش فاهم برضه حضرتك عاوزة إيه من البوست ده
عاوزة علمانية
ولا بتشتمى الإخوان
ولا خايفة على مصر من الفتنة الطائفية
ولا إيه بالتحديد لأنك كلامك مش واضح
وإيه الحل

كلام لوجيك said...

مش عارف ابدأ منين؟؟
التعليقات كتير ومتشعبه ونارية وملتهبه
وانا لا احب ان يصل بنا الاختلاف فى الاراء الى هذه الدرجة
ولكن
لازلت عند رأيي فى الاخوان
رغم وجود بعض النماذج السيئه فيهم
انا من المتابعين لتصريحاتهم وخطاباتهم ولم الاحظ ما يمكن ان يخيفنا منهم
وموضوع الجزية ده موضوع خاطئ ولم يأتى على لسانهم
وقد سمعت الدكتور عصام العريان ينفى بنفسه هذا الموضوع
وقال انن الاخوة المسيحيين مواطنون مصريون ولهم نفس الحقوق وعليهم نفس الواجبات
وكمان بيدخلوا الجيش وبيحاربوا عن وطنهم
يبقى ليس هناك ما يبرر ادخال موضوع الجزيه ضمن باقى المواضيع الاخري التى يستخدمونها لإفزاع الشعب من الاخوان

ثانيا
نفسى اشوف المنشور ده يا يارا عشان اقدر افهم واستوعب كل حاجه بشكل واضح
ثالثا
التعديلات الدستورية اللى بيطبخوها حاليا فى البرطمان
قصدى فى البرلمان هتكون اسوأ علينا من حكم الاخوان المسلمين
دا اذا كان الاخوان هيعملوا زي ما انتم يتقولوا
الشريعه الاسلاميه هى التى تحمى المواطن المسيحى وغيره
واذا حذفت مادة الشريعه الاسلامية من الدستور يبقى سلمولى على ارواحكم بقى وشوفوا الفتن اللى على حق

مش عاوز اطول عليكم اكتر من كده لإن التعليقات كتير وكبيرة
وانا مش عاوز اخنقكم

خالص تحياتى لكم جميعا
وربنا يحمى الشعب المصري ويوفقه فى قياده تقدر تصونه وتوفرله ابسط حقوق ادميته

دمتم جميعا بخير
سلام يا يارا
كده ولعتيها؟؟
طب طفيها بقى تانى

ملحوظه: ماكنش فى داعى للسؤالين الشخصيين يا عم حسن
وخصوصا فى موضوع زي ده
ولولا انى عارفك قبل كده من تعليقاتك .. كنت انا اللى هرد عليك
والحمد لله ان الموضوع خلص على خير

Anonymous said...

Dear hassan Mahomed,

I am writing Yara in Engilish because i have no arabic program. That is first i want to say. Then speaking other languge pr writing in other languge does not mean that you hate or ignore your mother languge,but i think you thinking the same way as the Muslimbrotherhood amd other islamic groups in Egypt if you do not speak only arabic you a bad person and you become a western guy because you listen to western music or speak English, this way of thinking i know very good since the time i was studying in Ain Shams university. For the Muslimbrotherhood there is no middel road or you are with them or you are agianst them, they are thinking the same way as George W Bush the stuiped president of the USA.if you have a Higab you are a good girl if you have not you are a bad, if you pry in the mosque you are good if you do not you are bad. Look my dear to be a good person and a good humianbeing it has nothing to do with which religion you have, i live in Hollan and i know a lopt of dutch people who have no religion at all but they are very honest and help you all the time. What the Muslim need at this moment is look back in their history, why we have a great civileization in Spain in the middelage because we used our minds, Dear Mahmoed Hassan do not worry about how many girls have a higab or not it ahs nothing to do with Islam if AllAH Sobhano wetalla want that everybody teh same is he can do it but AlLAh wants that everybody does what he or she is thinking right to do and at the end everybody is responsible for what he or she has done, have a Nice day dear friend.

yara How are you lady, i do not hear anything about the new job this week i shall hear the news pry for me. Study hard and see you later.

Sherif

حسن محمود said...

ممكن بس تسمحيلى أرد على الاخ شريف

Dear Sherif
Thanks for explaining why u wrote in English Language.
I will reply to you by English because you wrote in English.

Well, my brother is in Germany and he is studying Pharmacy, the first lesson they had given to him is NEVER USE ANY OTHER LANGUAGE EXCEPT GERMANY ONLY as long as you are in Germany. Because they consider that it is irrespective to their language to use other language. Even when my brother asks in English they answer in Germany and not English. They allow him to ask in English because he is foreigner only. By the way in Germany they are not following the Muslim brotherhood. In Japan when my doctor went there for visit and scientific exchange he said they never talk except Japanese language. Even they know English but they are always using Japanese to answer and not English.
Can you give me good reason why to use other language if you can use your own language?
This matter is not related to Muslim brotherhood or Islam. It is related to identity of your LANGUAGE.
-------------------------------
"For the Muslim brotherhood there is no middle road or you are with them or you are against them"
--------------------------------
FALSE, they consider and recognize the other political parties and make co-operation with them as they are all opposing the constitution change. And it is better for Muslim Brotherhood to have many other opinions so that the government does not concentrate on them only.
---------------------------------
if you have a Higab you are a good girl if you have not you are a bad,
----------------------------------
Well it seems you did not get my answer to Yara.
Dr. Hassaan Hathout is Muslim brotherhood member,he is medical doctor and his daughter is not wearing Hijab and she is PERFECT. She is holding Ph.D from USA, and she is working there. And she is successful lady.
So by this I destroy your opinion about Hijab, because what I said is there are many girls who are not wearing hijab and from families belong to Muslim brotherhood
No man if girl is not wearing hijab this do not mean automatically that she is bad

And I will stop talking about Muslim brotherhood subject as response to brother Ossama.

Thanks Sherif for your opinion even if I do not agree with u but I respect u
Have good time you too
Salam

Anonymous said...

Dear Hassan Mahmoed,

I have studied Germany in Egypte in Al alsun, i have been many times in Germany, you right German people not like speak aother languges thye same as the French people but it does not mean that they right. i do not have to take them as aan exampel, Prophet Mohamed peace with him has said, if you learn the languge of other people you be save, i think that is the anwser on all your questions a bout the matter of languge and i told you i write in English because i have no arabic program that is the only reason, second a bout Higab, you give me aan exampel opf doctor Hathut i can give you als a lot of exampels of muslimbrotherhoods who are thinking differen about that issue. i am als not agree with you but i respect what you say, it is up to you. I lived in Egypte 28 years and i studied there and i know what kind of people the Muslimbrotherhood are iread all of their books, so i know what i am talking a bout dear. Have a nice day and take care of your self. About the german people a lot of them are racist, you do not know them.


Sherif

حسن محمود said...

:)

mano said...

انا لست ضد الأخوان و لست معهم
انا شايفه ان كل شخص حر فى اختيار المنهج
و من حق الناس تختار
انا فقط ضد من يقول ان الأخوان هم البديل الوحيد للنظام المصرى
يعنى مش عايزه حد يقول مش عايزين الأخوان يبقى وافقوا على النظام الحالى
لأ مصر مش حزب و طنى و اخوان مصر على الأقل 77 % من الشعب لا دخل له بالسياسه
يعنى الأخوان قوه فى الشارع انا احترمها لكن ارفض ان تكون البديل الوحيد
فى ناس كتير مش اخوان و يصلحوا جدا للحياه السياسيه
لكن كل من يظهر منهم على السطح يتم تهميشه
تحياتى يا يارا
و عذرا للأطاله

yara said...

حسن محمود:
ما بقتش عارفة أرد عليك أقولك إيه
أنا مش شايفة إن ليهم أى إنجازات خارج محيطهم
يعنى كل اللى بيعملوه منطلق برضه من مبدأ الكيان الأسمى اللى بقولك عليه ما عملوش أى حاجة عشان حد غير الإخوان المسلمين بيعملوا جمعيات لخدمة الإخوان فقط لا يتفاعلوا مع أى قضايا غير قضاياهم ما بنشوفش أى إحتجاجات أو مظاهرات و إعتصامات طالما الموضوع لا يخص الإخوان المسلمين
بيقدموا المساعدات للمحتاجين فقط من الإخوان وووووو
زى ما يكون أنا لية مجموعة من الأصحاب أنا كويسة جداً معاهم بس لما أتعامل مع ناس تانية برة الدايرة ديه بكشر عى أنيابى و أتحفز
و يجيلى إحساس إن لو ماتوا قدامى مش ها أعمل حاجة عشانهم
مش لاقية أى إنجازات على الصعيد الإقتصادى و لا السياسى غير فيما يخص دايرتهم فقطططططططط

و رداً على قصة شعرى بيأذيه ديه
ماهو برضه من ضيق الأفق غير إنى أصلاً و ضحتلك إنه بيحصل مع المحجبين و غير المحجبين إظاهر المرأة عموما منظر بيإذيهم أو بيثير إسمئزازهم

نهايته أنا شايفة إن الإنسياق للإخوان المسلمين ها يبقى عامل زى الرجوع لورا 40 - 50
سنة
ما بكرهمش بس بكره الأيام السودا اللى ها تشوفها المرأة فى عصرهم



محمود سعيد: بحترم جداً طريقتك فى التعبير عن رأيك وف الحوار عموماً إسلوب فعلاً فى منتهى الرقى
و حتى تقبلك لإختلافى معاك ف وجهات النظر
بس أنا أحب أوضحلك إن الهدف من البوست لا هو إعلان كراهية و لا شتيمة ف الإخوان هو بس إعلان موقف أو حالة رفض لمجموعة معينة من المفاهيم اللى أنا بشوفها حاصلة و للفجوة الرهيييييبة بين فكر الإخوان و فكر البقية المسلمة اللى ها تضطر تتعامل مع الفجوة ديه
بالعنف ف محاولة منها للحفاظ على حقوقها الآدمية
و لاهى العظيم ما بكرة الإخوان ك أفراد
بس بكره جبروت و تسلط ها نضطر نتعامل معاه
و ردأ على الأستاذ حسن محمود ب إنهم مش ها يعوزوا منافقين يلبسوا الحجاب بالرغم عنهم لمجرد إرضاء رغبات مظهرية
ف أنا متأكدة إن ده أول قرار ها ياخدوه و أرجوا منك الصراحة المطلقة
لو إنت مسكت الحكم مش ها تطالب ب زى رسمى إسلامى للمصريات؟؟
و أخيرأ ماليش أى أهداف من البوست غير فتح حوار نتبادل فيه وجهات النظر يمكن أغير رأيى لإنى ما كنتش داخلة الحوار و أنا مقفلة مخى كان عندى إستعداد للإقتناع لو الكلام كان مقنع
و ما عنديش حلول لتقريب و جهات النظر

yara said...

Shreif:
i hope you will hear good news next weak
and every thing will be okey
and how is every thing else going with u?
anyway i respect your openion i respected the way you were discussing with Mr.Hassan mahmoud with


ساكاماكا نيوز:
أنا مش عايزة أطفيها لإنى مش أنا اللى ولعتها أنا لا شتمت فيهم و لا غلطت أنا بس كنت بقول رأيى و و لا مرة قلت إنى ها أجيب الديب من ديله و أقول حلول و مش معنى إنى أناقش أى قضية إن لازم يكون عندى حلول ليها

ميرسييييييى أوى على الملحوظة أو التحذير الموجه للأستاذ حسن
:)
بولع بقى الدنيا ف بعض
بس يلا يا أسامة خلينا إخنا الكبار و ناخدها على إنه ما كانش يقصد
المهم إنت إزيك؟ لسة قافل من كل حاجة؟؟
take care of urself


Mano:
أنا موافقاكى ارأى بس برضه ما نقدرش ننكر إن هما الحزب الوطنى و الإخوان ليهم نصيب الأسد بس عندك حق ف موضوع إن أى واحد يحاول يطلع بيسجنوه و يلبسوه مصيبة زى الدكتور أيمن نور كذلك العديد من القادة ف الإخوان المسلمين

حسن محمود said...

تشكرى ياستى على ردك
مش هاتكلم فى موضوع الاخوان تانى
حضرتك شايفه انهم هايخربوا البلد
هايرجعوها للوراء 40- 50 سنه مع أن
البلد من 40 او 50 سنه سنه كانت احسن من دلوقتى
ليكى مطلق الحرية
علشان خاطر أسامة باشا بس
مش ناوى اتكلم فى الموضوع ده

أحب بس أسجل اعجابى برأى الست (مانو) رأيك تمام جدا وفى محله وعين العقل يابنتى
وصدقينى فى مصلحة الاخوان ان يبقى فى معارضه تانيه غيرهم
ليه؟
علشان الحكومة ماتستفردش بيهم

وانا بحترم فى حضرتك انك مش مع أو ضد
الاخوان
حقيقى أشكرك
ودمتى بخير يامريم

ودمتى بخير يايارا
سلام

كلام لوجيك said...

اعتقد يا جماعه ان مفيش نهايه احسن من كده لموضوع ملتهب وسبب الكثير من الردود المتقاتله
الموضوع اتقفل والناس كلها مرضيه والحمد لله
ومبروك عليكى يا يارا نجاحك فى ادارة دفة الحوار
انا استمتعت جدا بالردود والتعليقات واستفدت كمان منها

انا كويس الحمد لله يا يارا والزمن كفيل بإذابة اي الم او مشاعر سلبية

ملحوظه: انا كنت رديت على سؤالك فى نفس المكان السابق بس تقريبا سقط عنك سهوا ملاحظته

دمتى بخير

محمود سعيد said...

جزاكى الله خير يا باشمهندسة يارا على ذوقك فى الحوار

وأنا نفسى الصراحة نكمل
عاوز أرد
بس يبدو أنك مش عاوزة تكملى كلام
يبقى طبعاً براحتك
ده الموضوع عمل 31 كومنت ولسه مخلصش

لكن عاوزك بعدين تبقى تثيرى الموضوع ده وابقى قولى لى تعالى رد
:-)
سعدت بمناقشتك

Anonymous said...

Dear yara ,

i am reading your new poem at the moomen. i got the job thanks for prying for me, god has listend to you. why you do not come on line, have a nice day and see you later,

sherif

yara said...

محمود سعيد:
ميرسى على كلامك و على فكرة أنا لسة عندى إستعداد للمناقشة لو إنت عاوز
و سعيدة فعلاً بمعرفتك


Shreif: cogratuolatiiiiiiiiiions
i'm really happy for
and i used to go online at the morning but anyway i will try to catch you
take care and good luck

Anonymous said...

Dear Yara

Thanks for your congratulation, i am als very happy to have that job, when i see you on line i shall tell you more about the new job. You rae right it wil be a dark time for women in EGypt when the Muslimbrotherhood got the power, they have to learn that there is no one tryth in the world there are many truths in the live and evrybody has his or her own truth. That what i want to say to mr Hassan Mahmoud and all Muslim brotherhood. AllAh help them Inshaalah


Sherif

Anonymous said...

yaaaah