27 February 2007

dark shadow


العمر بيجرى زى القطر..والدنيا مفارق كلها ملفات ..ماشين على سطر و سايبين سطر.. ومين فينا زى ما إتولد مات.. فى كل توب أبيض نقط سودة..و لا حد فينا من الذنوب معصوم..مخلوقة فينا الحيرة مقصودة..يين الإختيار و المنّ بالمقسوم ..الدنيا بحر غريق و شط..و العمر بينهم زى خط..بالمسطرة مرسوم.. عداد العمر داير و إتفرقت المصاير.. بتاخدنا دوامات و نتوه جوة الدواير..ده طريق نهايته سدّ ..كان خلد فيها حد؟.. قام مطلعش بخساير



كنت بسمع الأغنية ديه لمدحت صالح و لقيت فيها معانى كتير قوى عاجبانى..و حسيت إنها محتاجة منى تركيز و تأمل

كل كلمة فى الأغنية صح قوى و فى مكانها قوى و فى وقتها قوى

ما هياش حالة طارئة جايالى و ها تعدى.. و لا موود و ها يخلص..هى حالة تأمل دايماً بتجيلى فى لحظة من لحظات التواصل بين نفسى و اللى حواليا .. و برضه مش قادرة أعتبرها وقفّة مع النفس المهم سيبونا من المسمى و خلينا فى المعنى أو المضمون

صحيح مين فينا من الذنوب معصوم مين فينا مش محتاج يغفر لناس و يطلب منهم يغفروله

مين توبه أبيض أو ناصع البياض

إيه هى غلطاتنا و إيه هى الحدود الفاصلة بين الغلطات القاتلة والغلطات المسموح بيها ... إيه هى أكبر خسايرنا و أهمها

مين بيحدد إيه اللى يتنسى و إيه اللى المفروض يعلّم ..لو كل التساؤلات أو الإفتراضات ديه كانت فى علاقتى مع ربنا كنت ما أهتمتش قوى بمعرفة الجواب عشان فى الإخر عارفة إن ربنا أقدر و أعلم باللى فى النفوس هو اللى يقدر يحاسب و يغفر و يهدى.. لكن أنا عايزة أعرف بين إنسان و إنسان مين اللى بيحط الحدود الفاصلة

هو مجرد تساؤل و مش عارفة إيه الهدف منه أو حتى إيه أهمية الإجابة عليه

مش عارفة إيه حالة الكآبة اللى طاغية على المدونون كلهم اليومين دول

كل ما أدخل على بلوج ألاقى تساؤولات متشائمة أو بوست كئيب

إشمعنى فى التوقيت ده كله إكتئب و تعب وإستسلم .. يمكن إكتشفوا إن التدوين ما حققلهمش حاجة

أو يمكن الحكم على عبد الكريم حسسهم إن مساحة الحرية اللى طالما إتمنوها طلعت حرية وهمية؟؟

مش عارفة .. بس صحيح

بعد سنة من دخولى أنا عالم التدوين و يمكن أكتر أو أقل ليكوا إنتوا إيه اللى إتحقق ب التدوين و إيه الفرق اللى حصل

28 comments:

شادي فايد said...

انا لما بسمع الاغنية دي بيدف فيا الامل

فى كل توب أبيض نقط سودة
و لا حد فينا من الذنوب معصوم
الدنيا بحر غريق و شط

شط
شط
شط

ليه احنا مش شايفين غير البحر

كل واحد عارف غلاطته
او بيعرفها بمرور الوقت
وكلنا محتاجين
نغفر لناس و نطلب منهم يغفرولنا
الحدود الفاصلة
هي
انت
شخصيتك
تفكيرك
شهواتك
ثقافتك

وده في التدوين كمان

انا دخلت التدوين عشان هدف
غلطة
بس عرفتها
وفكرت كويس في موضوع التدوين ده
وعرفت انا ممكن استفيد منه في ايه

المدونين في الغالب نوعين
او بيدونوا لسببين
السياسة
فاكرين اننا لما نتكلم في السياسة حنغير حاجة

الحب
قصة حب مسيطرة على حد فيدون مخصوص للي بيحبة او عشان يفك عن نفسه من مقالب الحبيبة بتوع اليومين دول

انا بجد متعتي في قراءة المدونات
واشوف ازاي الناس بتفكر
يمكن اوصل للحل
في السياسة او الحب

صدقيني انا من كتر قراية المدونات تفكير اتغير خالص

ولو تفتكري موضوع الحجاب

ياااااااااه

الكلام كتير قوي

بس كفاية كدة

سلاماتي و احتراماتي

micheal said...

باشمهمندسة يارا..أنا فعلا حاسس بكل كلمة أنتي كاتبها هنا..بس بخصوص نقطه تأثير التدوين فحستأذنك في أنك تزوري مدونتي دلوقتي و تقري أخر بوست انا كتبه كويس و منتظر رأييك فيه و بعد كدة عاوز أعرف رأييك في موضوع التدوين حيكون ازاي
لكي تحياتي و وصلي سلامي لسمر و مني

متشرد في بلاد العجائب said...

انا مش كئيب انا متفاؤل جدا وجي اقولك البوست مش زي ما انتي قولتي انا كنت فاكر اني هلاقي حاجة وحشة جدا الاحلا بقا ان عبد الكريم دخل السجن عقبال الباقين لما يعلقوهم من ديلهم طبعا معروف مين الباقين

كلام لوجيك said...

اختى يارا
اول مرة اسمع الاغنية دي
وحقيقي كلماتها معبرة جدا وفى الصميم
انا عن نفسى دائما ما ادخل فى حالة مسائلة النفس باستمرار
وبكون مشوش ومحتار وأسأل ايه اللى انا بعمله وايه هدفى الحياة والعمر مهما طال برضو له نهايه
وبقول لنفسى ايه فايدة الصراعات والتكالب على متع الحياة وكأنه ليس هناك نهاية قريبة وحتميه
ساعات كتير بزهد فى الحياة
وارجع أفوق تانى واقول لازم اعيش واعمل اللى عليا حتى يقضى الله امرا كان مفعولا
وزي مافي اهوال ومصاعب فى الحياة .. زي مافي سعادة وجمال ونقاء
كفاية ابتسامة طفل صغير ممكن يكون ابنك
او شعور طيب موجه اليك من شخص عزيز
الانسان لا يستطيع العيش دون دعم من احبائه ومحيطينه من البشر

وبالنسبة للمسامحه وغفران الخطأ فده شئ مطلوب فى احيان كتير وخاصة اذا كان الخطأ من النوع البسيط وليس القاتل
وجميعنا سمعنا المقولة الشهيرة التى تقول
من كان منكم بلا خطيئة .. فليرمها بحجر

بالنسبة للحدود الفاصله فالاجابة
فهذا سؤال مطاطى واجابته تعتمد على عوامل كثيرة جدا
مثل الفارق العمري والبيئة الانسانية ودرجة العلاقة ونوع جنس ذوى العلاقة
واخيرا الاخلاق والقيم التى يؤمن بها الطرفان

بالنسبة للتدوين فلا اجابة عندى حاليا لهذا السؤال

اسف للاطالة
ودمتم جميعا بالف خير

Sharm said...

مش عارف ليه مش بحب مدحت صالح خالص

Anonymous said...

وهو كمان مش بيحبك

كلام لوجيك said...

مساء شريف

انتى فين يا يارا ؟؟
مش ظاهرة بقالك فترة
يارب يكون المانع خير
واتمنى ان تكون الدراسة على خير مايرام
وابقى طمنينا عملتى ايه فى المشروع اللى دبستى نفسك فيه
سلام يا اختى العزيزة

yara said...

Shadi:
إزيك يا شادى؟
أنا أصلاً مقتنعة بكلامك و شايفة إن لازم فعلاً نشوف أن فيه أمل و نتمسك بيه بس الفكرة إن المدونون سودوا الدنيا فى وشنا زيادة عن اللزووووووووم

Micheal:
ما تبطل بقى كلمة يا بشمهندسة ديه بتضايقنى قوى
و بعدين عاجبانى قوى حالة الإتفاق الرباعى اللى بينا
خلاص يا مايكل من هنا ورايح إنت واحد من العيلة.. و موضوع التدوين أنا خلاص رديت عليه
:)

كبير النتشردين:
ده إنت بذات أكبر مكتئب اليومين دول ده إنت اللى نطيت فى دماغى و أنا بفتكر كلمة كآبة مع إن على رأيك الدنيا مش مستاهلة
و أهو عبد الكريم خد اللى يستاهلو بس طبعاً فكرة مصادرة الحريات ديه خانقة قوى يعنى خلينا صرحا هو إتحكم عليه عشان شتيمته فى حسنى مش عشان غلط فى الرسول و الإسلام
تخيل بقى إنت قاعد أنت و واحد صاحبك فى مكان و بتشتموا فى حسنى ف إتقبض عليكم و إتحكم عليكم ب كام سنة
يبقى ده إيه ؟؟؟
كمان بقت فكرة مرعبة التحكم ف القانون و سن قوانين و دساتير لخدمة أفراد معينة فى البلد

Sakamaka News:
بالنسبة للأغنية
ف ده اللينك بتاع الصفحة و هى إسمها تتر سكة الهلالى
intro

http://6arab.com/singers-ar/east/mosalsalat-themes/index-ar.shtml
و انا مقتنعة بكل كلمة قلتها
إخوات بقة تعمل أيه
:)

Sharm:
ليه ما بتحبش مدحت صالح ده عبقرى

yara said...

Sakamaka News ( Osama ):
أنا لسة حالاً كنت برد عليك لقيت تعليق منك أنا كويسة قوى الحمدلله و شغالة أهوه فى المشروع و ماشى الحمدلله لغاية دلوقتى تمام بس حاسة كدة إن الدكتور مستهيفنى و مش راضى يضغط علىّ و يدينى شغل كتير مش عارفة ليه؟؟
المهم إنت إزيك؟
and how is ur wife?
do you have kids?

كلام لوجيك said...

كويس قوي اتطمنا عليكى
بس ليه زعلانه من الدكتور..؟
يعنى لو ضغط وزاد فى طلباته مش عاجب
ولو كان كويس ومتفهم ومش عاوز يضغط يبقى برضه مش عاجب؟؟!!اهم حاجه ان الموضوع يكون ماشى ويكون سلس وربنا يوفقك وييسرلك كل صعب

انا كويس جدا الحمدلله وربنا رزقنى بتاج تانى خانقنى جدا وشكلى هرد عليه بعد انتهاء صلاحيته
وبشكرك على لينك الاغنية
وزوجتى فى الشهر السادس ولسه مفيش اطفال لإننا متجوزين من سنه واحده
كفاية كده عشان صدعتلك دماغك
دمتى بألف خير

كلام لوجيك said...

احنا سميناها جنا
عارفة الاسم ده؟؟
ولا ؟؟
ياريت اعرف رأيك

كلام لوجيك said...

كنا محتارين بين كام اسم
نور + هنا + حسناء + رشا + شوق + فرح + اريج+ وطبعا يارا من غير حلفان
وربنا هدانا للاسم ده
ومبسوط انه عجبك

micheal said...

ههههههههه...تصدقي أن فعلا الكلمه دي بلاحظ أنها بتضايق اي حد في هندسه...بس عندي سؤال نفسي حد يجاوبني عليه..ليه يا ولاد الحلال تختاروا العذاب دة من الاول..علي فكرة أنا أختي مش بتطييق الكلمه دي برضه لانها احدي ضحايا الهندسة...ربنا معاكي و باذن الله تخلصي علي هير
سعيد بأني واحد من العيله و علي العموم متقلقيش مني أنا مش أخ غلس خالص
تحياتي للجميع و أتمني أشوفكوا في لقاء المدونيين القادم

micheal said...

اللقاء القادم للمدونيين يوم الجمعه القادم..لمزيد من التفاصيل
http://amyasser.blogspot.com/
يا ريت نشوفك هناك و تنورينا أنتي و سمر

el2ahwagi said...

enti hena 2olti kalaam keteer ya Yara ... kalam mohem gedan fi ra2uee ...

1- ma7adesh ma3soom men elkhata2 w da sa7ee7 gedan ...

" waman kan menkom bela khatee2a falyaqzefha be7agar ..."

lays men ayan menna al7aq al7okm 3ala ay insaan akhar ... fa faqatt allaho a3lam ...!!

2- eeh elkhata2 elmasmoo7 wel qatel ... mawdoo3 nesbi gedan ... wama baseet elkhata2 ma yaqtol ...

ennama fi ra2yee elkhata2 elqatel howa elli emma ma2sood aw nateg 3an ihmaal aw 3adam ikteraath ...


3- hal fashal elmodawenoon...?
eltadween howa ashbah bel seera elthatya bas beye7ki 3an aswatna wa7aseesna... your journal ... 3omro mayaqbal el7okm belfashal la2anno bebasatta mawgood keda keda .. elfar2 enno etkatab 3ala sfa7aat el web badal mayeb2a makhzoon fel nafs ...

qad taqoom elmodawenaat be3amal mo3ayan aw mosanda leqadeya mo3ayana zay el2aqsa keda ... bas fel nehaya heya in3ekaas lesarakhatna 3al waraq ....

ana m3aaki en feeh gaw 7azeen 3am felmodawenaat .. qad takoon 3adwa .. insha2alaaah tezool ..!!

kalamik fel sameem ...!!

Anonymous said...

Dear yara,

I do not really know what i have to say this time, but nobody is perfect, every singel humianbeing is making mistek, i do not know a lot of bolggers in egypt but i think that they have shown the normal people in Egypte what is going wrong with that woderful country, without the bloggers i would never know what happend in cairo down twon during Al Eid, i had never heard about young well educated and honest egyption young poeple who are fighting for a beter future for their country. i thibk that the bloggers and you as one them has achived many things. jsut talking normal about issues which for a years ago nobody was allowed to talk about. i think people like you Samar,Mona, Michel , Smakanews and Shady have achived alot of things for the soceity they are live in. keep hope lady and keep writing and saying what you think. see you later my dear

Sherif

Anonymous said...

dear yara,

here you have the adres of my own blog or spaceyou can log in and read who i am. the adres is±

enschede25.space.live.com

Sherif

yara said...

Micheal:
مافيش أخ مش غلس
و أنا مش ها أقدر أجى يوم الجمعة و مش عارفة بقى سمر ها تيجى ولا لأ
بس إنشاء الله مرة تانية... إنت أبقى إحكيلى عملتوا إيه

el-ahwagi
أنا متفقة معاك فى كل كلمة و فعلاً أنا خاسة بتأثير إيجابى للتدوين أقلو بيزيد من دايرة معارفنا

Shreif:
it took you a while till you comment i supposed that something was wrong
anyway how are you?
and the address you sent is not working
i guess there is something wrong in typing it
try to send it to me again
and heey you didnt do your tag till now and i'm waiting

Anonymous said...

Hoi my dear,

that is right it too long time until i comment because i was very busy to finde other job, today at 13.30 egyption time i have a meeting by a company near of the city i live i hope that everything wil be oke,and that is also the reason i do not do my tag until now i shall try to do it this week and send it to you. Have a nice day and take care of yourself

Sherif

Anonymous said...

dear yara, i want to tell you 5 matters who about myself which nobody knows but i do not want that everybody read it. i do not know if you have a hotmailadres,indeed you are right the adres i give to you does not work easly, it is my own space by messenger live, if you got to messenger and klik on spaces and typ the adres i give to you then you wil find my site.If you have a messenger mybe we can talk once

Sherif

mano said...

عارفه يا يارا
انا متفقه معاكى قوى

من فتره لقيت ناس كتير بيقفلوا مدوناتهم
و بيعتزلوا
ساعتها كنت بتضايق
و بقول ازاى بيقدروا
لكن فجأه لقيت انى بفكر اقفل المدونه مش عارفه ليه
لكن كل شويه بقنع نفسى اتراجع
و اقول دى الحاجه الوحيده اللى بكون مبسوطه منها
لكن مش عارفه ايه سبب الأكتئاب المسيطر ده
لكن هو من قبل موضوع كريم

تحياتى

sherif gharib said...

المشكله ان كل ديه تساولات حياتيه و فى الحاله ديه بتكون الاجابه على كل سؤال منهم هى المتاهه اللى بتودى على سؤال اكبر و اكبر و لغايه ما تودى الحيره لطريق مسدود
هى ديه حكمه الحياه و ما حدش فى نفس الوقت فاهم حكمتها ايه
كلنا يا دنيا عايزين نجرى بتحبى ليه خطوتك حتى صوتى لما يغنى حزينه ليه غنوتك
تحياتى

Anonymous said...

Dear Mona An Yara,

First i want to say good morning i am just waked up a 30 min ago, ladies i understand that you you feel disapointed some times. Because you have the idea that you nothing has changed cause of what you write in your blog, it is big mistek to think like that , i believe, but the question is.There is realy nothing chang or you can not see and you can not what has changed? I am sure that a lot of people in egypt have changed their way thinking a bout very important issues in the country and it comes door your blogs and the other egyption bloggers who talked and write about those issues, Mona i think that is the reason why you feel dispointed about your site although you like it very much and it is the only thing you happ about. Ladies i do not want to talk as a old wise man or as a teacher who knows everything but it is a matter of long term to have a resulat by your blog. i hope that you do not close it because it is at least for me a way to discus with egyption people. I wish you all very nice day


Sherif

صاحب البوابــة said...

على الاقل يبقى التدوين هي المرحلة الاولى ( وليست الاخيرة ) لإخراج ما في القلوب من خوف تراكم على مر السنين حتى صار حاجزا عملاقا , على أمل ان ننتزع الخوف يوماً ما , فنحرر بلادنا مما هي فيه

تحياتي

وأرجوكي لا تيأسي

yara said...

Mano:
فكرة قفل المدونة مالهاش أى معنى غير إنك ماعندكيش كلام تقوليه فى الوقت ده
خلاص لما الكلام يخلص بطلى تكتبى و أما ترجعلك الرغبة فى الكتابة أو أى حدث يستفزك إرجعى إكتبى ...هى عاملة زى ما يكون عندك مفكرة بتكتبى فيها ذكرياتك و كل إما ما يبقاش فى جديد فى حياتك يذكر تجيلك فكرة تقطيع المفكرة و رميها فى الزبالة
منطقى الكلام ده؟


Shreif Ghareeb:
فعلاً دايماً فيه حكمة من ورا كل شىء إحتمال لو ركزنا نشوفها و حتى لو معرفناش نوصلها المهم نفضل نآمن بوجودها
على فكرة فى حالة تصادم حاصلة بينا فى البوست القبل الأخير عندك
متهيألى إنت لسة ما قريتش الكومنت بتاعى بس بعتذر مقدماً على إنفعالى
و سعيدة جدأص بمعرفتك


Shreif:
i guess you were talking to Mano
and not Mona
right??
and i'm totaly agree with you
(Good morning) little bit late


صاحب البوابة:
على العموم حتى لو معرفناش نحقق حاجة على المستوى العام بكسر حاجز الخوف ف إحنا على الأقل بنحقق انفسنا حاجات كتييييييييييير قوى
أهلاً بيك و ب أول زيارة لىّ منورنى

Anonymous said...

Dear Yara,

Yes you are right it was Mano and not Mona i do not see it. Anyway goodmorning to you too, it is friday so you can wake up late, in Holand is saterday and sunday a weeking so friday i have to walk up early also. Have a nice day and see you on messenger Inshallah


Sherif

micheal said...

تحياتي لكي و لكل فتاه و امراه في يوم المرأه العالمي مع تمنياتي بتحسن أحوال المرأه في جميع الاقطار العربيه..م معلش يا يارا أن التهنئه جت متاخرة يوم

yara said...

shreif:
hey how was you second job meeting?
how did it go
i wish you had good luck
anyway
saturday turned to be one of our holidays weekly
its good.. ha??


Micheal:
merciiiiiiiiiiiiiiiiiiiiii\
we yarab
how was the bloger's meeting
??