19 February 2007

إعترافات


و أخيراً إتبعتلى تاج

بس مش أى تاج بقى... ده أغلس تاج شوفته من ساعة ما الموضة ديه ظهرت بيقولى أسامة(ساكاماكانيوز) أتكلمى عن خمس حاجات ما حدش يعرفها عنك... بقالى أهوه بتاع إسبوع مش لاقية حاجة أكتبها
قال يعنى بقى البت الواضحة اللى ما عندهاش حاجة مستخبية بس و لاهى يا أسامة مش فاهمة ..حاجات ما حدش يعرفها عنى ؟ها أفضح نفسى بقى ليه فجأة و أقولها المهم ياسيدى عشان خاطرك ها أحاول





أهم واحد: إن أنا اليومين دول بمر بمرحلة إنتقالية فى حياتى من أهم مراحل حياتى فعلاً بغير وضع عمرى ما كنت راضية عنه و مش عارفة شكل حياتى من غيره ها يبقى إيه عارفين لما يبقى بقالكوا سنبببببببببن متخيلين شكل معين للحياه اللى ها تعيشوها مرسوم جوة دماغكوا و فاكرين إن الإيام ها تلف تلف بس فى الآخر ها أعيش الحياة ديه أهو أنا اليومين دول إتمردت على الوضع اللى كنت بعيشه و اللى كنت فاكرة مش ها أعرف أعيش غيره


و ها أشوف بقى ها أنجح ولا لاْ




الحاجة التانية: أنا بحب القط بتاعى مووووووووووووووووووووووت


بحبه حب لا يمكن بجد أعرف أوصفهلكوا... بحس معاه بمشاعر الأمومة بكل ما تعنى الكلمة من معنى ...أول مرة شفته كنت راجعة من الجامعة و ماما إستقبلتنى على الباب و قالتلى مشمش فى الحمام روحى شوفيه.. فتحت باب الحمام و كان مشمش بياكل و مدينى ظهره ف ناديت قلت مشمش ف

إلتفتلى و باصلى....يا ربيييييييييييييييييييييييييييييييييى مش ممكن أعرف أوصف اللى حسيته فى اللحظة ديه

كمية حب غريبة.. كإن قلبى كدة إتفتح و مشمش ربع جواه ...المهم من يومها و أنا حاجات كتير بجد إتغيرت جوايا و حاجات ما كنتش متخيلة إنى ممكن أعملها فى حياتى بعملها عشان مشمش بغيرله الرمل و أأكله ب إيدى و أسيب باب الأوضة و أنا نايمة مفتوح عشان خاطر سيادته.. لو عاز حاجة بقومله فى عز الليل

بحبببببببببببه بقى أعمل إيه




الحاجة التالتة : غاضبة... شخصية غاضبة لأبعد الحدود... جوايا كمية غضب مش معقولة على واحدة فى سنى

أى موقف يحصل ينرفزنى بتصرف ب هدوء لحظى فى اللحظة اللى الموقف حصلى فيها و طول ما الشخص اللى منرفزنى واقف قدامى ببقى هااااااااادية و باااااااردة جداً لغاية ما الحد ده يمشى ..و بتبقى ديه أخر علاقتى مع الهدوء و الرزانة..بنفجر بقى من الغيظ و أقعد أجعجع و أعلى صوتى بحس إنى محتاجة دكتور نفسى يساعدنى على التخلص

من ال

anger and aggression




رابعاً: بما إننا ذكرنا موضوع الدكتور النفسى

بحس إنى محتاجاه عشان حاجات كتيييييييييير فى حياتى أنا عمرى ما طلعت اللى جوايا لأى حد مهما كان قريب منى...كل اللحظات المؤلمة و الحزينة تقريباً عشتها لوحدى إتعاملت معاها لوحدى تماماً من غير ما حد يحس إن فيه أى جديد حاصلى فى حياتى ...دايماً بعد الموقف ما يحصل و أتعامل معاه و يعدى بتاع نصه ..أبتدى أحكى و أقول بقى كل حاجة...نفسى مرة أزعل من حد ف أقولو ( ما تتكلمش معايا عشان أنا زعلانة) أو أتنرفز قوووووى على حد و أقول كلام ما أقصدهوش و أرجع أعتذر يعنى نفسى مرة أخرج عن شعورى زى كل الناس و أقول أى كلام إنفعالى و لحظى وما أبقاش مفكرة فيه




الحاجة الخمسة: هى ها يبقى ملخص عن شخصيتى اللى الناس اللى حواليا يعرفوه بس أكيد إنتوا لأ..أنا عندية جداً..و مخى عامل زى الجزمة القديمة الغير قابلة للنصح ..أحياناً ببقى عارفة إنى غلط و ما أعتذرش ..متطرفة فى مشاعرى يعنى لما بحب بحب قووووووووووووى و لما بكره بكره قووووووووووى...مخى كبير جداً و ما بزعلش بسهولة و لما أزعل بتصالح ب منتهى السهولة ...عندى ثقة فى نفسى و ف قدراتى زيادة عن اللزوم عايشة فى الحياة بمنطق


الأسد اللى بيدوس كدة و بعدين بتفاجأ بالنتائج


بس كدة هى ديه أنا

22 comments:

SomeOne said...

انت متأكدة ان الصفات دي صفات بنت

على فكرة انا مش بغلط ولا حاجة

بس مقبلتش بنات كدة


واسمحيلي انكد عليكي شوية

خفي من حب القطط

القطط عمرها قصير

انا مات لي اربع قطط لحد دلوقتي

Anonymous said...

انا اقولهم حاجات محدش يعرفها اقولهم انك عنيدة وبتحبي تغلسي عليه علشان انا غلبان ومنكسر يا حيني واقولهم كمان اني مش بحب مشمش

yara said...

shadi:
مش فاهمة قصدك
يعنى أنا و حشة و لا إيه؟؟

كبير المتشردين:
يا عيييييييينى
إنت غلبان إنت و منكسر؟؟
ده أنا اللى غلبانة و طيبة مع راسك الناشفة
و بعدين فعلاً معرفش ليه بحب أغلس عليك

micheal said...

و الله أنا كان قلبي حاسس ان التاج مسيرة كان حيوصلك أنتي و سمر في يوم من الايام..علي العموم هي دورها لسة...‘لي فكرة انا بحب القطط موووووووووت بس المشكلة ان عندي في البيت محدش بيطيق يبقي فية اي حيوان من أي نوع..علي العموم التاج بتاعك فية صراحة كبيرة لمستها
تحياتي لكي و لسمر و مشمش

Anonymous said...

Dear yara , what a wonderful cat Mishmesh you have, it looke veru lovely, it is very intrested to read what kind of person you are, that you have your own opinion and never change it , it does not mean that it is bad, it can be positiev also, just try to be open for somebody els,s opinion amd listen to what the other say and think about it, if you are not presuadied it oke

Thye second point that you can not face the other person even you hate him or her, i think it come because you do not want to hear anyone, you try to be kined even agianst people you do not like, i have the same as you but in Holland people are thinking different a bout it, i have changed last few years but stil difficult, In eypte we try to be kind agianst everybody but it is not possible, people in Holland and westeren countries are very direct and open. I see my dutch friends they telling eachother a bad things and after a while they are talking friendly to eachother, like there is nothing happend. I hope you got my point. Have a nice day

Sherif

كلام لوجيك said...

واخيرا
نتيجة التاج طلعت ونجحتى يا يارا بامتياز مع مرتبة الامانه ودرجة الشفافية

نتى اتكلمتى بكل وضوح عن بعض جوانب حياتك
وقدرنا نكون عنك صورة معينه
بالنسبة للمرحلة الانتقالية اللى بتمري بيها فأرجو ان تمر على خير وان تتبينى طريقك الصحيح وان تصلى الى مبتغاك وهدفك المنشود

انا كمان بحب القطط موت وكان عندى قطة جميلة وفروها غزير بس للاسف ماتت لما اكلتها اكلة سمك مقلى
عشان كده انا بنصحك اوعى تأكلى مشمش سمك مقلى

بالنسبة لإحتفاظك بمشاعرك وعدم البوح بيها فهذا شئ احترمه
ولكنه ليس بصحيح على الدوام ، ولابد من البوح بما تشعرين او تتألمين الى شخص اخر ليشاركك ما تشعرين به وليساندك او ينصحك
الاحتفاظ بالمشاعر قد يسبب ضغطا نفسيا كبيرا وعبئا مزعج

واخيرا
فإنى احترم فيكى شجاعتك وصراحتك واتمنى لكى كل التوفيق والسعادة فى حياتك بإذن الله

والى تاج اخر يا اختى العزيزة

SomeOne said...

هو اصلا حد يجرؤ يقول عليكي كده

انت بتقولي

مخى كبير جداً و ما بزعلش بسهولة و لما أزعل بتصالح ب منتهى السهولة ...عندى ثقة فى نفسى و ف قدراتى زيادة


هي دي الصفات اللي انا مشفتهاش مجتمعه في بنت

في الكومنت اللي فات
انا جيت استظرف بس يبدو اني معرفتش

سلام يا أجمل يارا

yara said...

Micheal:
آه يا مايكل جالى التاج بس تاج غلس بجد و نسيت أديه لخمسة بس أصلى عارفة إنه فعلاً غلس
يلا إنت و سمر و شريف و شادى و كبير المتشردين فكروا فيه

Shreif:
thanks and i'm really happy you loved meshmesh
he is really so cute
and about trying to be open minded for other's openion i'm trying to work on it
you can make this tag
as i dedicated this tag to you.. you can figure the 5 things that no one knows about you and send it to me as a comment till you make your blog

Osama:
ميرسى على النتيجة
عقبال البكالريوس بقى
بس أكيد مش ها أبقى إمتياز و على فكرة أنا فعلاً بحاول اليومين دول إنى أغير أى حاجة سلبية فىّ

Shadi:
شكراً.. بس مش عارفة ليه من أول تصادم بينا و أنا دايماً أشك فى نواياك و أفتكرك بتتريق علىّ بس يلا مش مشكلة إستظرف يا سيدى براحتك
كله مقبول منك يا شادى
:)
و على فكرة أنا كدة بجد يعنى هما دول الميزتين اللى فىّ و الباقى كله عيوب
إحمد ربنا إنك لسة ما شفتش بنات كدة

micheal mohsen said...

شكرا علي التدبيسة الجميلة دة يا باشمهندسة...مردودالك..ههههه
مستني رأييك انتي و سمر في موضوع هالة سرحان...متتأخروش عليا عشان مش حعمل أي بوست جديد قبل ما أعرف راييكوا لانة يهمني
تحياتي لكي و لمشمش و سمر

micheal said...

وصل الرد و الف شكر يا يارا..أنا رديت علية عندي

Anonymous said...

GO GIRLLLLLLL
أنا بأؤيدك تماماً في قرارك و الحياه الجديده اللي ناويه تبتديها و ده لأنك أصلاً عارفه رأيي في الحياه القديمه و الغموض اللي كان محيط بيها
بالنسبه لمشمش فمشاعر الأمومه اللي جاتلك فجأه دي جت علي دماغي أنا بفتحة الباب و الدوشه طول الليل من نونوه و تنطيط علي السراير مع إني بموت في مشمش الكميل ده و طعامته في الصورة اللي عايز يتاكل فيها دي بس إزعاج أوي
أتمني بجد إنك تقدري تخرجي من قوقعتك و تعبري عن كل مشاعرك بوضوح و صراحه تصرخي وقت ما تعوزي تعيطي وقت ما تعوزي و تقولي للغول عينك حمرا يا غول
If u know what I mean
ده هيساعدك كتير في حياتك و هيريحك بجد من أعباء نفسيه كتير بيسببها التكتم علي الزعل أو القلق أو الحزن أو الجرح أو أي مشاعر سلبيه تانيه

تعتعة أزهرى said...

اول قرار يحتاج لإشادة حقيقية ليكى بجد يا يارا لأنه فعلا مش سهل .. انا جربت دا كان فى بداية الأمر قاسى وحزين ليا لكن بجد أثبت إنه اكثر راحة وأمان بعد كدا .. ربنا يوفقك
تانى شىء بجد القطط مهما كان حبك ليها فلازم يكون مزود بالحدود الفاصلة لأنك بكدا ممكن تتعرضى لمواقف محرجة بسبب دا.. ربنا يوفقك يا يارا وبجد الحدود الفاصلة فى كل شىء بتكون جميلة فعلا
تالت شىء.. فكرى كدا فى إن المدونة يكون ليها شكل مختلف تماما عن ما مضى ويكون فعليا تطبيق للحياة المختلفة دى .. فكرى وقوليلى فى ردك وصلتى لإيه .
تحياتى

SomeOne said...

ههههههههههههههههههههههه

بقى كده بتشكي في نواياي

ماشي

وكمان بتتريقي عليا في مدونتي بالانجليزي

ماشي
ماشي

كلام لوجيك said...

كنت بتمشى فى العالم الافتراضى
وقلت اعدى على يارا واطمن عليها
ياترى اخبارك ايه؟؟وعاملة ايه فى البكالريوس؟؟
شدى حيلك وربنا يوفقك
ومتشوقين لموضوعك القادم
دمتى بألف خير

كلام لوجيك said...

نسيت أقولك يا يارا انى عملت مدونه خاصة بالصور المميزة والعجيبة
ياريت تبقى تشوفيها وتقوليلي رأيك

http://picsstation.blogspot.com/

yara said...

ساكاماكا نيوز:
ميرسى يا أسامة على السؤال أنا كويسة الحمدلله و كله تمام و البكالريوس زى الزفت إنهاردة كان عندى ميعاد مع الدكتور بتاع المشروع عشان نتفق فيها على الخطة الله هانمشى عليها و خرجت منها و أنا فرحانة و مكتئبة فى نفس الوقت على قد ماهو شعور ظريف إنى مسؤلة عن مشروع لوحدى أنفذه على قد ما إكتشفت إنه محتاج شغل كتير و ده طبعاّ اللى كأبنى
أصلى كالعادة عملت فيها أسد غيرت الخطة و بيعت العيال اللى كانوا معايا و قلت ها أعمل المشروع لوحدى

شوفت البلوج بتاع الصور و عاجبنى قوى

-_- said...

كل تاج و انتى طيبة يا يارا و تعيشي و نبعتلك

None said...
This comment has been removed by the author.
SomeOne said...

فين
؟؟؟
انت مررتي ليا تاجات
؟؟؟؟؟
ولا انت عايزة تزعلي وخلاص
؟؟؟؟

SomeOne said...

يارا

في لقاء للمدونين

لقاء المدونين الشهري

اتمنى اشوفك هناك

SomeOne said...

انا جاي من اسيوط مخصوص عشان احضر اللقاء ده

يا ريت تقولي لسمر ومنى

بجد فرصة جيدة جدا للتعارف و التحاور

yara said...

سورى يا شادى أنا مش ها أقدر أخى اللقاء إنهاردة
إبقى إحكيلى عملتوا إيه من غيرى
:)