لىّ واحدة صاحبتى دايماً تقولى إن شخصيتى بتتغير حسب الشخص اللى أنا بتعامل معاه خاصةً لو الشخص ده كان راجل ...بتقولى إنى ببقى أهدى و أظرف و ردود أفعالى لما بغضب بتتغير
و كنت دايماً بأاااااااااااوح معاها و أقول إن أنا مش كدة
و أقولها إنتى فاهمة معنى كلامك ده إيه؟؟؟
معناه إنى منافقة
معناه أنى بوشين
و كانت دايماً تنتهى بينا المناقشة و أنا ما فيش أى حاجة ممكن تغير رأيى
لغاية ما كنت مرة فى موقف و أنا فى نص الموضوع إفتكرت فجأة كلامها و إكتشفت فعلاً إن ردود أفعالى بتتغير لما ببقى بتعمل مع رجالة....يعنى لما بتنرفز بتنرفز بحدود معينة ...و ما بشتمش أبدأً
على فكرة
أنا بتكلم عن عدد محدود من الناس
يعنى مش كل الرجالة بعاملهم كويس و لا كل الستات بعاملهم و حش
بس بذات فى الدايرة الصغيرة اللى حواليا من صحابى
إكتشفت فعلاً إن إسلوبى بيتغير من واحد لواحدة
و إكتشفت إن علاقتى بصحابى الولاد أقوى و أمتن من صداقتى مع البنات
و ركزت
فا إكتشفت إنى عموماً برتاح أكتر فى التعامل مع الرجالة
و أن فى المشروع إخترت جروب من صحابى الولاد
و عموماً مطربينى المفضلين.. رجالة
و الممثلين اللى بحبهم.. رجالة
و عرفت ليه بحب الرجالة أكتر
عشان الرجالة أوفى (أنا بتكلم عن الرجل كصديق) عشان طبعاً كل الصفات ديه بتختفى لما بيتحول لحبيب
نرجع لموضوعنا
أكتشفت إن الصداقة مع الرجل من أصدق و أرقى أنواع العلاقات الإنسانية
لما إتنين بيتفقوا إنهم أصحاب و بس
بتبقى العلاقة فيها رجولة و جدعنة و شهامة
بحب أوى الإسلوب الى بيعاملونى بيه
بحب إحساسى وسطهم
أكتر حاجة ببقى حريصة عليها فى صداقتى معاهم إنهم ما ينسوش و لا لحظة إن أنا بنت
يعنى فى كلام ما يتقلش و أنا موجودة و نكت كدة لازم تتقال بس و هما لوحدهم
فى الآخر إستسلمت لفكرة إنى بحبهم أكتر
و يمكن ده السبب إنى بعاملهم بطريقة مختلفة
نفاق بقى مش نفاق
أنا مش مضطرة أبرر
نيجى بقى للفقرة التانية
اللى هى تقريباً فى نفس الموضوع بس حسيت إن لازم يحصل فصل بين الفقرتين
رغم إنى بنت و بعتز جداً بكونى بنت فى مجتمع ذكورى بس عمرى ما طالبت بالمساواة بين الرجل و المرأة
دايماً مع إن الراجل راجل و الست ست ..لا الراجل
ممكن يبقى ست و لا يعرف يعمل عشر اللى ست تقدر عليه... و لا الست ممكن تسترجل و تطالب بالإمتيازات اللى بيتمتع بيها الرجل فى مجتمعنا ده
بحس إن تبديل الأدوار ده مش ممتع ..
بحس إن تميز الجنسين جاى من إنفراد كل منهم بإمتيازات خاصة هو بس اللى يقدر عليه
بحس إن الست بتكسب كتير من إظهار ضعفها و الراجل بيخسر كل حاجة لو ضعف فى لحظة
بشوف إن أجمل ما يميز الست هى حاجتها للراجل رغم قدرتها التامة على الإعتماد على نفسها و مواجهة الحياه
و أروع ما فى الرجل هو قوتة و قدرته على الإحتواء و حماية المرأه و تسهيل حياتها
ليه كل حد ما يحافظش على أجمل ما فى التانى و يحاول يبرزه
ليه الرجل ما يحترمش ضعف المرأة و يقدرة و ما يستغلهوش بالسيطرة و فرض القوة
و ليه المرأة ما تخترمش قوة الرجل
و تعترف بإنها محتاجة لحمايته؟
عارفة أن كل الستات ها ينتقدونى و يكرهوا فىّ أستسلامى لذكورية المجتمع
بس أنا مش مستسلمالها ولا حاجة ده أنا بعشقها...
35 comments:
الأول يا يارا حلو جدا نظام الفضايح في البوست ده كان كان ناقص شوية اسماء ويبقا خبر حكاية اما بقا يا ستي عن المساواة انا برفض المساوة زي زيك ان مكانش اكتر لاسباب كتير وفيها منطقية وعلمية سيبك من الي يوجهلك نقض علشان اي فكرة يمكن يكون هو غلط وعليه انه يثبت
كبير المتشردين:
مش فاهمة يعنى... بتتريق؟؟؟
على العموم ميرسى يا سيدى
و طبيعى إنك ترفض المساواة عشان إنت راجل
ليه ها تطالب بالمساواة؟؟
الرجاله مش حلوين اوي كده يا يارا:)) ههههه
اقولك حاجه حلوه .. لو الراجل اللي بيعاملك كويس ده بيعامل صحابه الرجاله برضه كويس .. و بيعامل اخواته و اهله كويس . يبقى اوكي
انما للأسف .. معظم الشباب اللي بشوفهم بيعاملوا البنات برقه و ادب و جنتله ... بيكونو مع صحابهم و اهلهم زباله .. يعني بيسموها في العاميه ( سهوكه ) و بصراحه انا مبحترمش الامثله دي
علشان كده خدي بالك و احترسي دايما :)) و ربنا يحفظك انشاء الله
Dr.Tantawy
أولاً ربنا يخليك
و ميرسى
بس أنا بتكلم عن الصحاب أو الصداقة يعنى لا بيتسهوكوا و لا حاجة
و بعدين أنا عارفة إن الرجالة مش بس مش حلوين قوى كدة.. دول مش حلوين أصلاً لنا بيتقلب الموضوع للسهوكة و الحب و الكلام ده
كلامك منطقى يا بنتى
هو طبعا الراجل راجل والست ست
بس متهيألى ان ان المرأه لم تحصل على كل حقوقها بعد
تحياتى
يارا
أولا..أحييكي علي البوست الجامد دة و علي فكرة الموضوع اللي أنتي اتكلمتي علية دة ممكن برضة يحصل مع الرجالة..يعني أنا مثلا أيام الجامعة كان تقريبا كدة عندي مفس مشكلتك و عامة أنا شايف و مؤمن أن الست و الراجل دايما بكملوا بعض و الاتنين في نفس الحاجة لبعض و ان كان سر قوة المرأة في ضعفها فدة لا يعني بالضرورة أنها ضعيفة و تحتاج لاي راجل و السلام فلازم يكون مكمل ليها
بوست جامد يا لول و أحلي حاجه فيه إنه عامل زي ما يكون حوار مع النفس شفاف و تلقائي و صريح
انتي فعلاً مع الولاد شخصيه مختلفه و مختلفه للأحسن طبعاً رقيقه و
feminine
و مع البنات الوش التاني بيبان ;)
لأتفق معاكي في رأيك إن ساعات صداقة الشباب بتكون أعمق و أقوي بكتير من صداقة البنات و ده لأن الولاد لابد من الإعتراف بجانبهم العقلاني المتين اللي بيصعب إنتهاء علاقه معاهم أو خسارتهم لأسباب تافهه
بالنسبه للضعف الأنثوي همه بيعشقوه و لا يمكن إنكار إنهم بيقدروه و بيحترموه أكتر من قوة الشخصيه عند البنت لكن في أغلب الوقت بيمرعهم و ينفخهم لغاية ما كل حاجه تتهد علي دماغهم في الآخر
الهدف التاني من التعليق إثبات للجميع إن كل اللي حصل بيني و بينك علي المدونه بتاعتي كان هزار و هزار فقط في حال لو كان كلام المعاق ذهنياً اللي اسمه شاهد عيان ده خلاهم يفتكروا حاجه تانيه
يارا أختي و شتيمتنا لبعض كانت هزار مش شرشحه زي ما بيحاول يوصفها واحد حاقد موتور يمكن أكون إديته بالجزمه قبل كده علي مدونتي وللا حاجه فجه إبن الهبله أبو رياله يحاول ينتقم
:)
Dear Yara of course i know that you were kidding with Samar, because i can not imaigne that two high educated ladies talk to each other like that, i have laught alot when i read the woord SHARSHAHA it is a real egyption woord iused a lot when i studied . Aout teh realtionship between women and men boys and girls, i am agree with you that women wil never be a men and men wil never be a women it is logical, but they are equal, they are different but as a humianbeing are they equal. That is my point of vieuw. I had also mor girls as friends tahn boys i do not know how it comes. Mybe i was grown up between 3 ladies my aunts and my sisters my aunts are a few years aolder than me. i stil have a contact with my old girl friends of Ain Shams univbersity but the boys not, friendship between man and women can be wonderful on one condition no romance between then is not rational anymore.I am waiting for your reaction and do not care of such a people as Shahed Eian if he does not like the sit he has not to watch it
Sherif
Mano,Micheal:
ميرسى جداً .. و أثبتولى إنى مش بخرف و لا بقول كلام عجيب ده كلام أهوه طلع منطقى
samar:
أولا إنتى ما كنتيش محتاجة توضحى الموقف لأى حد عشان إحنا معروف أن إحنا إخوات
و حتى لو مش إخوات 2 دايماً بيتفقوا مع بعض فى الآراء و عمرنا ما ها نقلب على بعض و أى شخصية مريضة نفسها تولع
الدنيا فى بعض ما صدقت تعمل من كلمة كنت بهزر بيها و حتى ما كنتش بعنيها قصة ديه حاجة ترجعله و ما تهمناش وما تأثرش علينا و على علاقتنا
غير كدة كمان ما كانش المفروض تمسحى التعليقات بتاعته عشان كدة يبقى إنتى بتدى لواحد نكرة و هايف و تافه حجم أكبر من حجمه
سيبيه يهوهو
الكلاب تعوى و القافلة تسير
ثانياً :
شكراً على رأيك فى البوست
أهوه يا ستى بحاول أغير الإسلوب اللى إتريقتى عليه
و بحاول إطلع من دايرة الكأبة و الخنقة اللى حوالينا فى كل حتة
Shreif:
Thanks, and i'm really happy with your support
and for shahed aian thing
as you see he is just a bug to put under your shoe and move on
he can never come between 2 sisters
and for the post
i started to see it's something happening all the time that sometimes ppl find theirselfes having more fun and more compfortable with the opposite sex
اولا يا يارا ارجوكى اهدى شوية وبلاش تكتبى وانتى فعلا بتحرصى على إنك تفكى الملل بالكتابة .. لأن الكتابة متعة حقيقية مش وسيلة لطرد الملل ,
تانى شىء .. اولا بجد احنا كمجتمع بنصنف بين الراجل والست وإنك تقولى إنى بتنجذبى للرجل أكتر من الست دا شىء طبيعى جدا لأن اصلا ربنا خالقنا كدا كل حد مننا ينجذب للتانى ويحس إنه بالفعل بيكمله كما يجب فى الشخصية ..
لكن بصراحه يا يارا لو احنا فعلا مش عاوزين نختلق مشاكل مش ممكن نقول إن فلان مهضوم حقه وكدا .. المرأة بصراحه اليومين دول واخدين حقوقهم اكتر من الرجالة لكن للأسف احنا متصورين إننا فى معركة بجد لازم من رابح وخاسر زى ما قالت الدكتور عبلة الكحلاوى .. الرجل مثل المرأة وكلاهما سيحاسب امام الله عن كل ما يفعل ..
ربنا يهدينا احنا ومنفرقش بالطريقة دى ..
مشكورة يا يارا ويارب الملل والزهق دا يبعد عنك لأنه فعلا بيخللى الإنسان فى حالة مش تمام .
( تعتعة أزهرى >> ادعيلى عشان الباسوورد باين عليا نسيته ومش عاوز ولا يدخل من بلوجر ولا يسجل التعليق بإسمى هنا )
تعتعة أزهرى:
هو البلوج سبوت إتهبل و فيه ظواهر غريبة عمالة تحصل
عايزة أفهم بقى..بلاش كتابة عشان تخرجى من الملل قصدك بيها
أن البوست وحش؟؟؟
:)
يارا
بوست ظريف و خصوصاً فكرة ان الراجل راجل و الست ست على رأى سمير غانم فى فيلم الزواج على الطريقة الحديثة
بس بجد انت اندهشت من صاحبتك؟ الحقيقة مش قادرة اتخيل ليه لأنك عارفة انك منافقة فى علاقتك مع الناس و بتسمى ده ذكاء اجتماعى و هو فعلاَ ذكاء بس برده فى نوع من النفاق و انت بنفسك معترفة بكده فبالتالى انا مش عارفة مصدر دهشتك من شبهة النفاق جاية منين و لا هو استهبال يا روحى
Mona:
لا يا روحى مش إستهبال مش مضطرة أصلاً أستهبل
ثانياً أنا عمرى ما إعترفت إنه نفاق
قلتلك إنه ذكاء إجتماعى
إنما مش نفاق
و أصلاً أنا مش منافقة
إنما بستخدم ذكائى
عشان أخبى أى شعور سلبى عندى للناس و أعاملهم كويس..مش من الذكاء أنك لما تكرهى حد تقوليله فى و شه و لا حتى أما تستسخفى حد.. خاصةً لو الناس دول بيحبوكى و أنتى ما بتكرهيهمش يبقى ليه صد مشاعرهم الظريفة؟؟
على فكرة يا منى الفكرة المسيطرة عليكى بتاعة إنه طيبة قلب و شفافية منك إن اللى فى قلبك على لسانك و لا إنك لما تكرهى أو حد ينزل من نظرك
تلويله بوزك و تعامليه بجفاء
ده لاهو شطارة و لا طيبة و لا ذكاء
إنما هو بتبعدى ناس عنك ممكن يكونوا بيحبوكى بجد
معلش انا مش شايف ان فيه علاقه بين المساواه بين الراجل والست وبين ان الست او الراجلل بيكونوا داخل قالب جذاب ومحترم ومحبب لما بيتكلموا مع الجنس الاخر , بيتهيألى ان المشكله بجد انه مفيش حاجه اسمها صداقه بسسسسسس بين البنت والولد بنسبه 100% هيا حاجه نسبيه ممكن يكون فيه 80% صداقه وجدعنه و 20% مشاعر تانيه ظريفه عشان كده ال20%دول بيعملوا ضغط كبير عشان بصراحه بيبقوا نفسهم يكونوا ال80% التانيين يعنى الشاب بيحاول بكل الجهد المستطاع انه ميكنش صاحب للبنت لأ انه يكون حبيبها فبيعامله تمام وبكل احترام عشان الاحترام يزيد ويبقى مشاعر تانيه خالص والعكس صحيح ,معلش انا خايف ان كلامى يكون صادم لكنه فى النهايه هوه دا اللى بيحصل او هوه دا اللى بيتمنى احد الطرفين انه يحصل لو مش مصدقين ممكن اعرف ليه البنت او الولد بيصاحب البنت اللى تنفعه لو حب يرتبط ؟ يعنى لو حب يرتبط بواحده او حبت ترتبط بواحد هيكون نفس البيئه والتفكير والمستوى واللى هما موجودين فى الصاحب او الصاحبه مش بقول ان الكل بيكون عنده مشاعر حب مستخبيه لأ طبعا مش ممكن لكن الباب بيكون متوارب مستنى اللى يزقه وقه بسيطه ويفتحه
belady:
أولاً متشكرة على التعليق لإنه كسر الرقم النحس
13
ثانياً:
أنا مش معاك خالص خالصصصصصصصص
لإنه فى صداقة بين الرجل و المرأة و من أقوى أنواع الصداقات كمان و أمتنها
و أنا بقولك إن لى صحاب و لاد مرتبطين
و البنات اللى هما مرتبطين بيهم أنا و هما أصحاب و بنحافظ على الصداقة ديه
ممكن آه أحياناً الصداقة ديه تقلب لإعجاب أو لرغبة فى التملك من مبدأ
طالما إحنا صحاب قوى كدة و متفاهمين قوى كدة ليه ما نرتبطش و خلاص ما أنا مش هلاقى حد أتفاهم معاه كدة
و ممكن نترجم مشاعرنا غلط لما نحس بغيرة معينة حاصلة لما الصحاب دول يدخل بينهم طرف تالت
و لكن كل ديه مشاعر طبيعية بتحصل آه أحياناً لكن لو لحقتوا الموضوع بسرعة و إتناقشتوا فيه بتخمد و ما بتتطورش عن كونها مشاعر طبيعية ناتجة عن غريزة التملك و الصداقة فى الآخر بتبقى أقوى و أمتن
طيب يا ست الشاطرين و الأذكياء عايزة اعرف تعريف النفاق من وجهة نظرك؟
و لما بيكونوا ناس بيحبوكى بجد ليه جواكى نظرة سلبية ليهم لدرجة انك تحاولى تخفيها بالذكاء الأجتماعى و يبقى تعبيرك " انك مبتكرهيهموش" بدل متحسى ناحيتهم بحب مماثل و باتالى تشوفى سلبيتهم و تتقبليها عادى مش تضايقى منهم لدرجة مدراة المشاعر الحقيقية
و فى تعريفك للنفاق متنساش انه يدخل فيه انك تكلمى على الناس دى وحش من وراهم و تقولى لكل حد انك ما بتطيقهوش و ما بتحبيهوش و فى نفس الوقت تظهرى عكس ده تماماً
ممكن آه أحياناً الصداقة ديه تقلب لإعجاب أو لرغبة فى التملك من مبدأ
طالما إحنا صحاب قوى كدة و متفاهمين قوى كدة ليه ما نرتبطش و خلاص ما أنا مش هلاقى حد أتفاهم معاه كدة
طبعا دا بيثبت كلامى واللى انا متأكد
منه ان لكل قاعده شواذ بالفعل فيه صداقه بس لكن بردهفى حالات بتبقى الصداقه من طرف واحد والطرف التانى بيبقى عنده اكتر من الصداقه بشويه
Mona:
أنا مش لاقية معنى للمناقشة عشان إتناقشنا فيها قبل كدة و ما غيرتش رأيى برضة
و ناس مين اللى إتكلمت عنهم وحش؟
و شايفانى منافقة ..ماشى يا ستى
رأى واحد أو إتنين أو حتى عشرة مش ها يفرق معايا
اقصد يا يارا بجد إنك لما تكونى حاسه بزهق او ملل الإتنين ولاد عم .. متحاوليش تكتبى لأنك بكدا مش هتستمتعى بكتابتك دى .. وهتكونى حاسه من جواكى إنك لازم تكتبى لمجرد الكتابة وبس عشان تخرجى من المود .. لكن لو حالتك المزاجية تمام وكتبتى هتحسى وقتها إن فى بعد تالت لكتابتك تقصدى منه ( الإبداع) .. ودى نصيحة على المدى البعيد مكنتش قاصد بيه الموضوع دا بس ..
ربنا يوفقك ولمزيد من الرقى إن شاء الله فى كل شىء .. اللهم آمين
ت ع ت ع ة أزهرى
نسيت اكتبها ..(الله يهدك يا بلوجر) يامدوخنا معااااااااااااااك .ـ
كلامك فى الجون بس عن تجربة اوعى تثقى فى حد ثقة مطلقة مهما وصلت درجة الصداقة
اما عن الفقرة التانيه نفسى لو ارتبطت ببنت اجيبها تقرا البوست دا
Dear Belady and Yara,
What belady said about 80% and 20% is possible by some people but not everybody is doing that, i stil have a great friendship with the ladies i studied with. All of them are married and there is no problem at all. Somepeople who have 80% and 20% they do not know what exactly their felling is agianst the other, it is very important to recognaize what you want, and what you feel. Friendship wil not work if you have a hidden agenda, that is my meaning. Have a nice day all of you. It is warm in Egypt now Yara , it is very cold here,
Sherif
ahmEd_h:
merciiiii
حسيستنى بأهميتى
:)
خليتنى أدعيلك إنك ترتبط عشان تجيبها تقرا البوست
ربنا يوفقك
Shreif:
hi shreif..how are you??
you dont get it's really frozen here in egypt
it's soooooooo cold
that i'm in my holiday but i can't hang out
:(
about that you included me with your comment to Belady
i didnt agree with his openion
as i really see that we can have great freindships between males and females
and that i'm totaly with you that it cant be friendship if anyone has hidden feelings because friendships based on honesty and telling eachother every thing
i'm always happy with your comments
and take care
Dear Yara,
i am als always happt by reading your blog, you are richt when you say friendship is based on honest and telling eachother the truth. That is right but it is not easy to got such a friends males or females specially for me because i am living in other country and i left all my females and males great friends behinde, they a kind of friends who can know what you you feel withut saying a lot, anyway i do not want to make a drama. It is stil cold in egypt when i was in egypt last december it was very cold specially in the night, how cold is it now? in Holland is it not so cold 6 degree over day and 2 degree in the night.it wil be very cold next week in holand minus 7 or 8. So you have a holiday it is a great, what kind of work are you doing? the same as Mona. I ahve a long holiday i lost my job and i am looking for other one, Have a nice day and take of your your self,
Shreif:
why dont you make a blog for youself
to writ about yourself
and about your conditions in holland
why did you loose you job?
:(
أنا أحسدك
أنا أحسدك
أنا
أ
ح
س
د
ك
Dear Yara
it is good idea to makea blog, i have my own space by messenger but it is not compleet yet, i lost my job cause of reortganisation, the comany where i work has a lot of problems and 10 people have been fired i was one of them.There is no problem i shall find other job inshalalah. i shall try to make amy blog and let you know. It very cold there is snow on the street. What kind of muisc you like, do you like Pop music?
Have a nice day
Sherif
والله يا يارا البوست ده بالردود بتاعته بتفكرنى ببرنامج الاتجاه المعاكس
فى اختلاف شديد فى وجهات النظر وتباين كبير فى الاراء
لكن انا من تجربتى الشخصية مؤمن ومتفق بكلامك
ولو انى لدي بعض التحفظ فى بعض ما ورد وذكر
لكن اللى عاوز اقوله ان الصداقة الحقيقية المنزهه عن اي شىء لو وجدت بتكون حاجه بيرفكت ومالهاش حل
انبل علاقة هى علاقة الصداقة
بس تكون فعلا صداقة اخوية ونتقى الله فى تصرفاتنا وافعالنا
حاجه اخيرة
مش عارف ليه كل اما ادخل اعلق عند حد الاقى الزرافة الحسوده كاتب او كاتبة نفس التعليق الخنيق ده وبيكرر فى كل المدونات
ربنا يستر
تحياتى ليكى ولبوستك الجميل
كويس...
أنا شايف إن فى بنات عاقله كتير...
وبعدين إنتى مش مع ذكورية المُجتمع أو ضدها...
خير الأمور الوسط
تحياتى للبوست والمدونه الجميله
(f)
انا بصراحة كنت ناوي مقراش البوست
وكنت ناوي ادخل اسلم عليكي
بس
لاني ناوي اغيب عن التدوين لمدة اسبوع
لكن بصراحة موضوعك شدني للغاية
لاني انا كمان بيحصل معاي زيك بالظبط
ومش بس كده
ده انا 90% من قراء مدونتي بنات
و 70% من المدونات اللي انا بقرها لبنات
وبعد امعان في التفكتير
اكتشفت ان كل الناس كده بس لا تعترف بالحقيقة
و مش كل الناس وشها بيفضحها
Shreif:
you need my good luck wish to find another jod :)
and it will be nice to write about yourself
at least it will let you feel that you are still in egypt surrounded by people you love
i don't like pop music
i just like romantic classical songs
ساكماكا نيوز:
شكراً على الإتفاق فى وجهات النظر بالرغم من إنك ما قلتش تحفظاتك اللى أشرت لوجودها
و مش فاهمة إيه حكاية الظرافة الحسودة
أمير الظلام:
شكراً على الزيارة و على التعليق
و آه بقى لسة فى ينات عاقلة
:)
shadi:
ليه باإبنى ها تعتزل التدوين لمدة إسبوع؟؟
أنا كويسة الحمدلله ..إنت عامل إيه؟
بما إن عاجبك البوست و طلعت إنت كمان زيىَ و ناس كتير طلعوا زيى بس ما بيبانش عليكوا مش المفروض بقى إخد جايزة على صراحتى بفى بما إنى أول واحدة أعترف؟
السلام عليكم و رحمة الله و بركاتة
موضوعك عملي و حيوي ... و قبل ما اعقب هقرأ الردود و بعدين اكتب ردي عليكي علشان مش اكرر اي فكرة تتقال ... اوك
........
........
......
.......
.......
قرئت الردود ... نيجي بقي لتعليقي :)
بصي يا سيتي ...
نوعية شخصيات البنات متعددة ...فيه منهن و اللي فعلا اعرفهم انهم بيرتاحوا لتعامل الولاد اطتر من تعامل البنات ... بس اللي عايزة اعيد صياغتة ان اللي حضرتك بتحكي فيه دا بردوا لا يندرج تحت مفهوم الصداقة انما الزمالة القوية ...
مرة كنت بسئل اخويا عن موضوع التعامل بينة و بين البنات في الكلية ... قال لي انه اه ممكن يكون فيه زمالة بحكم الشغل وخلافة او اي شئ من هذا القبيل لكن الصداقة شروطها مش هتتحقق ... لان من حقوق الصداقة انه في اي وقت يقول له تعالي ننزل علشان نشتري حاجة و ياخدة و ينزلوا ... ممكن يكلم اي صاحب له في اي وقت متأخر من الليل في اي كلام و خلاص ... ممكن زي ما انت بتقولي ميكونش علي راحتة اوي مع البنت ... يعني هنرجع و نقول علاقة زمالة قوية فيها مزياياها و ليها عيوبها بردوا
و من رؤيتي لكلامك ... انت تقريبا من نوعية البنات اللي مش عارفة تكتشف الكنز الحقيقي الموجود في البنات !!!!
عارفة ...اكلمك انا بقي عن صداقة البنات و بعضهم - بس هو فيه شرط اساسي انك تعرفي تختاري صاحبتك صح - مش اي واحدة و السلام و معاكي ان النوعية اللي بكبمك عنها مش كتيرة بس في طريقها للازدياد
انا اعرف زميل يعرفني انا و صديقتي بيقول لي انه نفسة يكون له حد من الاولاد صديق له زي انا و صديقتي !!!! تخيلي لما كلمة زي دي تطلع من ولد ... زي ما قال دكتور طنطاوي الولاد مش حلوين اوي زي ما انت فاكرة
عامة انا بعتقد انه نوع من العلاقة غير متوزانة الجانب ...يعني و مش تزعلي من كلامي و بجد خدية بموضوعية ... انت بتحبي انك تعملي علاقات مع الاولاد لانك بتحسي بتميزك كبنت بينهم ...
علي فكرة بالنسبة للجزء التاني من مقالك ... محدث قال انه فيه حاجة اسمها مساواة و لكن فيه حاجة اسمها تكامل و من غباء اي طرف انه يحس انه افضل من التاني لان كل طرف محتاج للاخر بنفس القدر و نفس الاهمية ...
ربنلا يهدي الجميع ...و اتمني ان زيارتي متكونش تقيلة علي مدونتك :)
في حفظ الله
بجد كلامك عجبني قوي .. وبعدين هو أصلا مين اللي قال إنه لازم تكون في مساواة بين أي حد وأي حد أصلا .. إحنا ربنا خلقنا مختلفين في الجنس والشكل واللون واللغة عشان نعرف بعض أكتر ونتعلم من بعض ونختلف مع بعض ..
أكتر حاجة عجبتني الجملة دي :
(بشوف إن أجمل ما يميز الست هى حاجتها للراجل رغم قدرتها التامة على الإعتماد على نفسها و مواجهة الحياه )
وعلى فكرة إنتي فكرتيني بتمر حنة كانت عاملة بوست جميل قوي ممكن تحبي تقريه http://aywakhadama.blogspot.com مع اختلافي معاها في شوية نقط لكن بشكل عام الفكرة متشابهة
merci ya Mohamed
and i will read the post
انا ماكنتش اتخيل ان فى منك اليومين دول ده تانى رد ليا فى البلوج و برضه الموضوع من السنة اللى فاتت بس بجد شدنى جداا ........ بجد البوست جامد و انا نفسى جربته انا كنت قررت السنة اللى فاتت انى مش هصاحب اى بنت و هتجنب العلاقات مع البنات على قد ماقدر و قلت ان كفاية اصحابى و مش طالبة كلام مالهوش معنى بسبب تفاهة تفكير جزء من البنات و سطحية تفكير جزء تانى و فكرة المساواة الغريبة اللى عايشين فيها و فكرين انها الحل لكل المشاكل و كأنها حرب انما بجد انتى خليتنى اعرف ان فى لسه بنات بنات عندها احساس بأنوثتها و عارفه حدود الراجل و الست و بجد انا اخر واحده عرفتها و كان تفكيرها زيك كانت من اكتر من سنتين و فعلا لحد دلوقتى اكتر من اصحاب و العلاقة بينا زى الاخوات و هى اتخطبت السنة اللى فاتت و خطيبها اصلا صاحبى و بجد فكرة ان الواحد يدور على حد من الجنس الاخر يكون فاهمه و بيكمله ده شىء غريزى فى الانسان .
و هديلك دليل بسيط على ان كل كلامك صح (الشوكولاته).
Post a Comment