أنا مصرى أبن مصرى وليا الشرف
برغم المهانة برغـــــــــــــــم القرف
برغم الزبالة اللى مالية الشــــــوارع
برغم الفســـــــــــاد اللى بيه أعترف
سمو معـــــــــــــــالى رئيس الوزارة
نتيجة موظف بسيـــــــــــــط أنحرف
برغم المجاعة اللى داخلين عليهــــــا
وفينا اللى عـــــــايش حياته فى ترف
برغم البطــــــــالة فى أوضة وصالة
برغم أن أخر جنيـــــــــــــه اتصرف
برغم طـــــــــــابور الصباح السخيف
وكل منايا يادوب كــــــــــــــام رغيف
برغم أسايـــــــــا لمنظر عشايـــــــــــا
وأقول مش مهم يــــــــــا واد نام خفيف
برغم إنى شايف بــــــــــلاوى وساكت
وعايش مطنش كـــــــــــــــــأنى كفيف
برغم وزارة رئيسهـــــــــــــــا حرامي
وشوفوا البجاحـــــــــــــة يقولوا نظيف
برغم الســـــــــــلام اللى غرقت بناسها
برغم العيـــــــال اللى ساكنة الرصيف
برغم حكومة شعـــــــــــــارها الكلام
ورغم رئيسنــــــــــــــــا عليه السلام
ورغم أن كله يــــــــــــــا عالم بيغلى
إلا كرامتى بترخص قــــــــــــــــوام
برغــــــم إنى عايش في بلدى فريسة
ووجبة شهية لبعض اللئـــــــــــــــــام
برغم أن كـــــــــــــل تاريخك يا بلدى
فعهد جنابه كـــــــــــــلام فوق رخام
برغم ده كله يــــــــــــا مصر بحبك
وطظ فيهم ودا آخر كلام
10 comments:
هذا الرجل مالوش حل..كأنه بيتكلم بلسان حلنا كلنا
تحياتي
hii micheal how r u??
Hi yara how r u oding? it is long time ago i talked to u. Nice that u r writing agian. have a nice day
Sherif
كل سنة وانتم طيبين
تحياتي لكي ولسمر
لو انت مصرى كنت تعرف يعنى معنى الشقا
كنت تعرف اننا عايشين فى نار
بين السندان والمطرقة
والظلم ظلمة ...وعمره لله ما اتقى
شربنا منه المر كاسات
اما الهنا بالشوكة مش بالمعلقة
وهو كدة
يا اما تعيش من غير لسان
يا اما حبل المشنقة
تحياتى ؛_م. محمود
meromaro46@yahoo.com
كل سنة وأنتي طيبةو يا سارة ويا رب تكونتي أني وسمر بخير
تحياتي
رجاء..رجعي مني وسمر للكتابة يا يارا..ليكوا وحشة كلكوا
بطلوا الكسل بقي
:)
تحياتي
Micheal:
أصلاً البلوج بتاعهم إتقفل و بعدين البلوجينج كان مرحلة و إنتهت خلاص
إنت عامل إيه؟
أنا ايمان اخت بوريو يا يارا
الله اعلم انت لقيتى المدونه ازاى
بس اشكرك اوى على كلامك
كل ذكرى خاصه بيه هى نسمه بترطب و تبرد شويه حزنى عليه
شكرا يا حبيبتى
يا ريت تكلمينى على الفيس بوك
Post a Comment