إستوقفتنى كلمة سمعتها فى مسلسل (هو اللى يسرق 120 جنيه زى اللى يسرق 120 مليون جنيه؟ و لا اللى يقتل واحد زى اللى يقتل ألف واحد؟ ) و
اللى يزور ورقة زى اللى يزور ورق؟ و يتستر على حقايق و يزور فى شهايد
يعنى: اللى يسرق 120 جنيه عشان المصلحة اللى بيشتغل فيها فصلته لتقليل مرتبات العمالة مثلاً
يعنى مش لسبب أخلاقى .. و مش لاقى ياكل و لا يأكل عياله بقاله كام يوم يعنى ما فيش لقمة دخلت بقة لا هو و لا عياله ف إضطر يسرق 120 جنيه
من ناس شبعانه شبعانه قوى .. بس عسان يسد جوع و لاده ده بقى .. زى
اللى سرق 120 مليون جنيه؟ زى واحد عنيه مش راضية تتملى و بقه مش راضى يتسد
و نهمه للفلوس ما فيش حاجة قادرة تقف قدامه
واحد بيسرق و هو مش محتاج الملايين اللى بيسرقها بيسرقها عشان بقت شغلته إن يسرق.. إتعود يعيش من مال حرام ..و يطفح و يطفح ولاده من الحرام
يعنى السرقة بقت بتجرى فى عروقه.. ملوثه دمه و أفكاره
و نظراته للأشياء مشوهه كل المعانى فى عنيه و عنين أولاده مدياهم قوة حتى
مش عند و احد طول عمره عارف ربنا و مراعيه و مستقوى بيه و ماشى جنب الحيط
طب بلاش ديه اللى قتل واحد
يمكن قتل غلط.. أو يمكن لحظة إسودت فيها الدنيا فى عينه من الظلم و الإفترا اللى بيشوفه
ما قدرش يشوف قدامه.. مقدرش يفكر مرتين قبل ما يقرر يرفع الظلم عن نفسه بدبح اللى ظلمه
و لا مرات أبوه اللى عيشته طول حياته فى كابوس بيتمنى يفوق منه بيستنى لحظة حنية من إبوه تعوضه عن مرارة الأيام و قسوة الأفعال ف ملاقاش غير كل عنف و قهر و إستبداد
ده زى اللى قتل ألف قتلهم لتلذذه برؤيه الدم و إستمتاعه و هو بيشوف ناس بيتوسلوله
عشان يرحمهم .. عشان يسيبهم فى حالهم
اللى ياما عمل مجازر و ياما دبّح فى خلق الله الضعيفة المحتاجة بس عشان هما محتاجين
أو يمكن عقاباً ليهم على صراعهم من أجل البقاء
دول زى دول؟؟؟؟
الفرق الوحيد إن اللى سرق ال 120 جنيه إضرب فى المكان اللى سرق منه و إتشتم بأبشع الألفاظ و راح القسم بتهمة إنه حرامى عشان يمرمطوه و يقضوا عليه السهرة ضرب و شتيمة و بهدلة .. خلوه يرجع اللقمة دم و ها يعيش طول عمره بيتقال عليه حرامى... و اللى سرق ال 120 مليون جنيه هربهم كلهم على برة
و طلع وراهم و سط هالة من الإهتمام و الإحترام و التعظيم و التمجيد
و الحكومة كلها واقفة وراه أو معاه بتهلله و تمجده
و اللى قتل واحد إتحبس و إتعدم و راح فى شربة ميا و ضاع مستقبله و راحت سمعته و سمعة أهله فى التراب
بس اللى قتل ألف إتمجّد و إتعظّم و إضربله تعظيم سلام عشان هو رجل السلام
بالذمة ده حلال ده و لا حرام؟؟؟
21 comments:
Dear Yara,
What a strong post. I am agree % withyou. of cours it is not halal to teart someone who steal 120 pound cause of poverty the same as someone who steal 120 million poound, it is big difference between making a mistake once and keep making a wrong things cause you like it. It is verey big difference between both things. happy to see you writing agian, welcome back my dear.
Sherif
والله لو سرقت فاطمه بنت محمد لقطعت يدها ، انما اهلك اللذين من قبلكم إن سرق فيهم الكبير تركوه وإن سرق فيهم الضعيف اقاموا عليه الحد
او كما قال صلى الله عليه وسلم
بوست جامد يا لولو
بس انت تقصدي مين بالحرامي و القاتل الكبير؟
اوعي يكون قصدك المرحوم
اذكروا محاسن موتاكم
أولا...أحييكي بشده علي البوست الجامد ده
أنا تقريبا متفق معكي فيما قلتيه لاني شايف أن المنثياس هو حجم الضرر من الفعل
تحياتي لكي يا يارا و للجميع
بوست جامد جامد
بس انا ليا سؤال عاوز حد يجاوبنى عليه
هو اللى مأكلش له كام يوم وعياله مأكلوش وشايفهم وهما جعانين قدام عنيه وراح يسرق علشان يأكلهم يتقال عليه حرامى ؟
Samar,
do not mention the realy name i want to see my mother agian if i come back to egpyt hhhaaaaa, enti betshtagli maa ahsen gehas mokhabraat fi Al Alaam , it is a pice of Rfaat AL hagaan hhhaaa
Sherif
تحياتي...
السرقة هي السرقة...بمعني انه طالما توافرت اركان الجريمة...فيجب إنزال العقاب المقرر...لكن أحيانا يلجأ القاضي الي الاخذ بالحكم المخفف مراعاة لظروف حدوث الجريمة او دوافعها...
في زمن الغلاء و البلاء... تعطل الحدود الشرعية....يعني لا ينفع ان نقطع يد السارق في زماننا هذا...اذا كان السارق ارتكب جريمته بعد ان سدت كل ابواب الكسب المشروع و الشريف في وجهه
و الحق...و الحق أقول ..انه لو أخرج كل منا الزكاة المقررة عليه...مهما صغر حجمها...و خاصة رجال الاعمال و المال...و تم التصرف في اموال الزكاة من خلال هيئة غير حكومية...موثوق في ذمة رجالها....لم وجدنا في مصر جائع و لا مشرد....
أما من سولت لهم أنفسهم سرقة اموال الناس و لديهم ما يكفي و يزيد عن حاجاتهم...مثل الحالة الاخيرة ، بدون ذكر اسماء ، و التي قيل ان صاحبها يتقاضي مبلغ 50000 جنيه شهريا من جهة عمله...اي ان هذا المبلغ شرعي و رسمي.... الا ان الرشوة و ما اشبه داعبت احلامه و خياله...و نسي الله فأنساه الله ذكر نفسه، فتورط ، فانكشف
اقول ان تطبيق الحد الشرعي هنا واجب ز ضرورة في حالة ثبوت الجريمة و استقر ضمير القاضي علي ان المتهم مدان بالحقائق و الوثائق، و ذلك لردع ضعاف النفوس...و زجر كل من تسول له نفسه
بخيانة الامانه....
معذرة علي الإطالة...
تحياتي و شكري و تقديري
Dear yara,
How are you? i hope that you are oke and healthy.I wish nice and a great Ramadan, kul Sne wenta Taiba, for you , for your sister Samar and your familay.i hope that in Ramadan wil have the mood to write agian. Have a nice day my dear
Sherif
رمضان كريم
رمضان كريم
وهو ايه فى حياتنا حلال
كنت ناوي ارد الرد بتاع محمد عبد الغفار بس هو سبقني كالعادة بس يا ستي هضيف حاجة بسيطة عن مثال هو الي بيشحت من الجوع زي الي بيسكت وهو برضه جيعان
(لا يسألون الناس الحافا)
انا مش هقوللك زي ماغير قال ان البوست هايل وجامد وبتاع
بس هقولك حاجه واحده بس
لا يغير الله مابقوم حتى يغيروا ما بأنفسهم
سلام
كل سنة و إنتى طيبة يا يارا
yara, kul sena we enti taiba cause of aid al fiter
Sherif
أنتي فين يا يارا؟؟
تحياتي
يارا
تحياتي
لو سمحت عودي الي كتاباتك و اصدقائك
هم يفتقدونك.
تحياتي
أنا جاااااااااااي
اهنيك علي البوست الحلو ده
كل سنه و أنتي طيبه
كل لحظة وانتى طيبة
اخبارك ايه ؟؟؟
ايه ... مفيش جديد هتنزليه قريب فى المدونة ولا ايه؟؟
خالص مودتى
Post a Comment